#أنتقام للعشق 🥀
البارت الأخير
بقلم : نور حيدر
noorhaidar18لا تبحثوا عن الحُب فقط
بل ابحثوا عن الصدق الذي يُغلّف الكلمات ، الإخلاص الذي يستند خلف الأفعال ...
ابحثوا عن ثقة لا تهزها عواصف الدنيا ، عن لهفة دائمة وشغف لا ينقطع ...
لا تبحثوا عن الحب بل ابحثوا عن السند ، عن من يحنو مودةً و يدنو رحمةً ، عن الأمان الذي لا يعقبه خوف 🌿🕊..ميامين /
بصفنتي و احس احد واكف كدامي رفعت راسي
و فتحت عيني على وسعهم معقوولة هذاا هو واكف كباالي .كلت بهمس : فااارس ..
هذااا فاارس يي والله هوو كبالي كدام عيوني
لابس بنطرون جينز و قميص أبيض و لاف الجراوية على راسه بطريقة خليجية ..كلت بتوتر : ف فاارس هذاا أنت؟
أبتسم و كال : لعد منوو غيره ميامين .
اباوع واكف على طوله كبالي و اخر مره شفته جان كاعد على الكرسي صح سمعت بيه رجع يمشي بس ما شفته و هسه هو يمي ..
جسمي يرجف كاام من شفته هيج مخلي ايده بجيوبه و يباوعلي غوركت عيوني ..
وكفت بسرعة كلت برجفة : فاارس أنت تمشي ..
حرك رجله و اقترب شووي عليه و كال :
ييي اجيت من السفر و رجعت أمشي كله علمودج أنتي وبس أجيت امشي حتى اجيج و اوكف كبالج و احجي ويااج ..دموعي ظلت تنزل و ايدي ترجف كلبي احس الجامعة كله تسمع دكااتة اريد اخفي شعور الاشتيااق بس ماكدر
جنت اجذب على نفسي و اني اكول كل واحد بطريق ..بقيت سااكتة و بس دموعي تنزل ماكدر اسيطر على مشااعري كباله بقيت صاافنه على عيونه الي ياما و ياما سحرني بلونهن و بحدتهن نفسهن هنه ..
ردت انزل عيوني بس هو حجه و كال
بهمس : لا اديرين عيونج عني فدووة خليني اشبع شووف منهن شووفي نظراتي الج شنوو تعرفين تفسريهن ..سكتت ما حجيت شي بس ابجي باوعت على عيونه
غوركت و دمعة طفرت من عينه فكيت حلكي أريد
احجي بس الحجي اتبخر من يمي ..كال : شبيج سااكتة احجي ولج تدرين سفرتي كله و اني بس أفكر بيج اريد اطلعج من بالي ماكدر يومية انتي على بالي كلت ليش أرجع و شخص الي احبه عافني بنص الطريق و ما منتظر رجعتي ..
بس تدرين كلت حتى لو اني ارجع و احجي وياها بلكت تقنع اذا انتي ما ترديني بس اني اريدج ..
اشر على صدرة بمكان كلبه و كال :
ولج هذاا كلبي عمره مادك لمره غيرج و حب غيرج
مياامين افهمي اني أحبج أموت عليج لا تخلين شي يخرب حبنه ..ظليت ابجي من كلامه هو زهك و كال بحدة
: احجي اي شي بس وكفي بجي خليني اسمع صوتج
احجي شي..