#أنتقام للعشق 🥀
البارت 41
بقلم : نور حيدر
@noorhaidar18
مساء الخير عليكم متابعيني 🦋🌿
................................................
اعتذر جدا على الاخطاء الإملائية غلسوو عود
..........................................................
جوري /
الساعه ب٥ العصر كاعدين بلصالة اني و أمي و الولد كلهم و فاتن و رسيل بس حبوبتي نايمة و جدي طالع ..
جبت جاي الهم و كعدنه نباوع على التلفزيون
و اشوف شاهر و رسيل كاعدين سوه ت يتهامسون
يكول بلابل الله يسعدهم امبين عليهم الفرحة ..
بعدنه كاعدين و جان تدخل علينه زينب حالته حاله
ليث من شافه ركض عليه بسرعه خايف كلنه وكفنه نريد نعرف شبيه دخلت علينه وجهه اصفر و حجابه مخربط و عيونه مغوركة ..
اجه عليه ليث لزم ايده كال: شبيج زينب شكو شصاير و عليش اجيتي ..
تباوع علينه خايفة كالت : ف فااارس ..
ركضنه عليه : شبيه ولج فارس ؟
بجت و كالت : طالع من زمان و نتصل عليه مايرد ..
صفنه عليه ليث باوعله و صاح بيه :
ولج على هااي خلستينه حسبالنه بيه شي انتي شفتي نفسج ..
من عصبية ليث و صياحه هيا كامت تبجي و تشهك
صفن عليه و غمض عيونه بقلة حيله ..
رحت اني حضنته و اخزر بليث كتله :
اهدي حبيبتي ماكو شي يمكن طالع وي اصحابه شنو هو طفل وهيج تخافون عليه ..
بجت و حضنتني : ولج روحي شوفي أمي مفرفحه عليه تكول كلبي ما مطمن بيه شي حتى حلمانه بيه حلم مو زين و هسه على ساعه تتخربط ..
شاهر كال بهدوء: زين اتصلتو عليه و من يمته طالع ..
حجت بشهكه : فارس عمره ما يتأخر هيج و اذا اتأخر يتصل ينطي خبر النه و هو من الصبح طالع كال شغل عندي حتى موبايله جنه نتصل عليه اخر مره حاجيته ب١١ الصبح بعدين اتصل ما يجاوب اخر شي طلعلي مغلق ..
خفت اني من كلامه باوعت على الولد واحد يباوع على الثاني كال محمد : اهدي زينب روحو يم امج هديه و احنه هسه طالعين نشووفه وين و ان شاءالله ماكو شي ..
هزت راسه تبجي طلعو كلهم الولد بقينه احنه البنات خايفين بس نهدي بزينب و بقه ليث واكف ..
كتله : المن واكف ما رحت ادور عليه وي الولد ..
ما حجه وياي ظل يباوع لزينب الي تبجي بحضني و تشهك ماحس غير لزمه من ايده و جره عليه اخذه بين احضانه و ما اهتم النه اصلا ..
حضنه و صار راسه على صدره و ظل يمسد على ظهره
يطمن بيه كال : اهدي زينب ماكو شي ان شاءالله امسحي دموعج لا تشوفج هيج امج و تظل قلقانه عليه صيري قووية اريدج سباعية لا تخوفين امج ..
