أنتقام للعشق

البارت التاسع و العشرون

#أنتقام للعشق 🥀
البارت 29
بقلم : نور حيدر
noorhaidar18

مساء الخير عليكم متابعيني ان كان مساء
و صباااح الخير ان كان صباحاً 🙂 🦋🌿...

~~~~~~~~~~~~~~~~~~~~~~~~

اعتذر جداً عن التأخير وصح مقصره بحقكم واتأخر بس كتلكم و اني نوهت بهذاك البارت انو الاشتراك يخلص
يعني مو غبت بدون سبب واليوم يلا اتفعل النت ..

واعرف البارت قصير مو طويل لان متأخرة عليكم بس صدكوو كتبته بسرعه علمودكم وماردت تنتظرون اكثر
حتى ماراجعت البارت وماردت اتأخر اكثر عليكم.
اعتذر جدا على الاخطاء الإملائية عود غلسو😅🖤

~~~~~~~~~~~~~~~~~~~~~~~~~~

هم تدرون ؟
تدرون الحزن يمته ؟
من ناسك يسالونك على الـ ردته
من عمداً يحاچونك بسالفته
الفشلة تفيض
چي مامش جواب خلاف
فضت عافني وعفته 🖤🥀 ..

~~~~~~~~~~~~~~~~~~~~~~~~~

جمارة /

: عمي بنتكم جماارة ماتروح لغريب اني ابنه عمه اوله بيه و انهي عليه ...

فتحت عيني بقوووه كله ظلت بتاووعلي
امي : دهررر شيريد هذاااا شنو ينهي ...

اني واكفة مصدوومه هذا شيحجي دخيلك ربي
اني بحلم لو بعلم شصااير ..

غساان بحده : شنو هذا الأسلوب غيث عيب احنه
وين كاعدين ..

: ماكو شي اسمه عيب واني ماسويت غلط بنت عمي
واريده الي اني اوله من الغريب لو تردون تردوني
وتفضلون الغريب عليه ..

كال أبوي :طبعا ما نفضل الغريب عليك وانت اولى
بس مو هيج تجي ترى عدنه بيت تجي وتحجي ويانه
ولا هيج تريد تشهرنه انت ..

: آسف عمي بس من سمعت هذا اجه وخطب جمارة
اني ماظل عقل براسي حتى اهلي مايدرون هيج سويت ..

: شووف اني راح انطي القرار لبنتي ماكدر اجبره على شي ماتريده حتى لو ابن عمه انت بس يبقى
القرار الاول و الأخير الها لأن هذا زواج مو لعبة ..

سكت غيث شوية رجع كال : ميخالف مثل ماتكول عمي وهذا راسك احبه واعتذر على السويته ..

اجه بااس راسه ومشه حسيت الجو هدئ
سمعنه صوت خطواتهم اجوو دخلو للبيت وغسان معصب من الي سواه غيث بس شهااب هادئ و لا كأنو صاير شي ..

امي اقترب من أبوي وكالت : هذاا شيريد وشعنده ..

كعد علر القنفة أبوي و كال :مثل ماسمعتي الولد خطب جمارة مني و ماقبل تروح للغريبة ..

كالت أمي بأستنكار : يااا وهذا اكو واحد عاقل يخطب هيج بس والله هم بيت سلمان كلهم مسودنين
انت نسيت سوايت جويريه ..

باوعنه على شهااب سكت ماحجه شي خزره أبوي
وكال : مالنه دخل بهاي السالفة هسه احنه نحجي بسالفة جمارة و غيث ..