أنتقام للعشق

البارت الرابع و الثلاثون

#أنتقام للعشق 🥀
البارت 34
بقلم : نور حيدر
noorhaidar18

مساء الخير عليكم متابعيني 🦋🌿...

تعرف غلاتك لو بعد يحتاج ابين اكثر 
يالبيك لهاني العمر ما ركزت بيمن مر 
يمكن اذا گتلي شكثر تهواني راح اتحير 
اليل عدي محبتك بس باچر تزود اكثر 
الادري بي من تبتعد مدري شحس بحيرتي 
صدري حفر بي خنجر مگطوع شريان ابهر 
يندفع شباچ الجفه وبالروح شي تكسر 

اشتاگلك 
بس الحچي المضموم الك يتبعثر 
وبدون موج احتاجلك بالبر وحس بيك البر 
مرات ادور الجيتي گبالك سبب يتفسر 
وتلمحني احرك الخاتم وابدي ارتبك وتحسر 
وهنا تحس بقيمته البس على شوفك يضطر 
يفكت عيون الگلب يا ميزتي البيها انغر 
مو رايدك واتنفسك لا يا نفس شي اكبر 
يا روح ما تطلع مثل روح التموت من اكبر 
اني اعرف بزعلك گبل ما تزعل وياي اگدر 
والنوم يتركني وقت ما تنوي عينك تسهر 
يا ريت كل هذا الحچي من اگعد گبالك يحضر 
ونلتهي بعينك بعد تهمسلي حتى اتذكر ..

~~~~~~~~~~~~~~~~~~~~~~~~~~~~~~~

رسيل /

مامصدكة شاهر خطبني يعني  يووم و انكتب بأسمه
الفرحة ما تنوصف ولحد  هسه اني مصدومة
يومية  اكل لنرجس صدك اني راح انكتب بأسم شاهر
يعني  راح اصير زوجتة ..

اتذكر بيومة من دزلي الرسالة بجيت مامصدكة
يعني  هو يحبني مثل ما اني احبه دخيلك ربي لعد ليش هيج سووه  وياي و كال انتي ما تناسبيني ..

اجت عليه نرجس تضحك : هاا ولج طلع الولد يحبج و شاريج و انتي كاعده  يمنه بس تنعين و تبجين مايحبني  و ما يريدني وشوفي نهايتة طلب ايدج من أبوي..

كتله بصدمة : ولج نرجس كرصيني اني  احلم لو لا ..

اجت يمي تبتسم : لا حبيبتي ماتحلمين هذا كله حقيقة أيام و يلسبج الحلقة ..

دمعة عيني و رحت حضنته بقووة و هيا هم بادلتني الحضن : اخخخ مامصدكة والله ولج الفرحة  الي بداخلي ماكدر اشرحه لأي شخص فرحتي ما تنوصف ..

بعدت عني و  كالت  بفرحة: تستاهلين يعمري انتي طيبه و تحبين الخير لغيرج و ربج جازاج و عوضج عن حرمان ابوج و امج ..

كعدت على الجرباية مصدوومة و ابجي مدري  شجاني
كعدت بصفي نرجس و كالت : ولج شجاج هسه  غير اعرف ليش تبجين تدرين صايره ما افهمج ...

ابتسمت بوسط دموعي : مادري نرجس احس نفسي راح انجن هذا شاهر الي كلي انتي ما تناسبيني و ماحبج و اريد وحدة تفهمني هسه هو طلب ايدي ولج  دزلي رسالة هاج اقريه ..

انطيته موبايلي وقرته هيا  ضحكت و كالت : الولد يحبج و عبر عن حبه الج بهاي الطريقة يعني هو مو مال حبجيات و مغازل لا من يريد يكول احبج  يجي يثبت حبه مو مثل بعض شبابنه هسه ..