أنتقام للعشق

البارت السادس و الثلاثون

#أنتقام للعشق 🥀
البارت 36
بقلم : نور حيدر
noorhaidar18
مساء الخير عليكم متابعيني 🦋🌿...
...........................

هوواي اعتذرات اعتذر و ارجع اتأخر عليكم بس والله هذا الاسبووع كلش مشغولة و تعبااانة كلش و نفسيتي صفر والله اتمنى منكم الدعاااء الي و يصير الي اريده
كلش محتاجه دعائكم لان حتى نفسيتي تعبت والقرآن
احبتي هاي الاياام اذا اتأخر عليكم اعرفو اني مشغولة كلش و حتى الموبايل ما الزمه 💔..
قراءة ممتعة

.........................

حال شهاب👇🖤

عوفوني وي حالي و روحو عني بعيد
انه الراسم حزن ماكاتب اغنية
انه مربي دمع توقيته نص الليل
مايعبر فجر الا ويمر بيه
انه العايش حياته و عارف جروحه
انه المكتفي بحزنه وشجن نوحه
انه المايدري شيسوي..
انه الضايع مثل تعبي
انه الحاير بروحه شلون..
انه  الما حيرت ربعي
انه المحروك بيه ذنوب..
انه على العشرة متندم
انه الما ينفكد لو غاب..
انه الطارية ما ينجاب
انه الشدة الدنيا وياي..
انه الناقش اثر بجاه
انه الشوغاته ما تصفى..
انه الماله عزيز يحب
انه الخلكه خلك مسجون
انه بكلشي بيه يون...

~~~~~~~~~~~~~~~~~~~~

جوري /

يحجي هو و كاسر خاطري كلش حتى كمت ابجي على بجية شكله يصعب حتى على الكافر دموعي لا ارادياً
توكع من كلامه ..

كاعد يحجي و جان نسمع موبايلة يرن هو وكف على حيلة باوع على المتصل و باوعلي بخوف اني هم خفت وياه بسبب نظراته ..

كتله بخوف : منو شهاب ..

كال بهمس : شاهر يتصل ..

:يي جاوب شوف شكو ..

كال بخوف و بهدوء حجه : خاف علي صاير بيه شي لأن بقيت شاهر هناك يمه ..

حجيت وياه اطمنه : لا تخاف ماكو شي ان شاءالله
يمكن يبشرك و يكلك كعد ...

انقطع الاتصال و هو اتصل عليه كال بخوف
: الو شااهر شكوو علي بيه شي ..

سكت شوي رجع تفاجئ كال : شنو شتحجي أنت..

خفت كتله : هاا شهاب علي بيه شي ..

ماحجه وياي رجع كمل كلامه وي شاهر حجه بلهفة : تحجي صدك يعني علي كعد ..

ابتسمت و كلت بفرحة : شهاب شتحجي علي كعد ..

سد الموبايل و ظل يبجي من الفرحة: علي كعد جوري
دخيلك يارب ماصدك ولكم اني تخبلت لو شنوو علي صحى يعني ماكو اي شي ..

هزيت راسي بفرحة و دموعي تنزل وياه :
يي شهاب صحى علي مو كتلك الله ماينساك شوف هسه رجع الك ابنك ..

لزم ايدي بسرعة كال بفرح : مشكورة جوري ..

ابتسمت و اني موخره ايدي من يمه : ماسويت شي اني حتى تشكرني اشكر الله سبحانه هو الي رجع ابنك الك ..