Unicode
အချိန်ကား ညနေ(၃)နာရီ။
မန္တလေးအပြည်ပြည်ဆိုင်ရာလေဆိပ်တွင် ဘုန်းသာလျှံနှင့်သလင်းတို့နှစ်ဦးရှိနေသည်။
ဘုန်းသာလျှံရဲ့မိဘတွေဖြစ်သော ဦးသာထင်နှင့်ဒေါ်မြတ်သူဇာတို့ စင်္ကါပူမှပြန်လာတာကို လာကြိုကြခြင်းဖြစ်သည်။
ဘုန်းသာလျှံဘွဲ့ရပြီးတော့ သူ့ကိုလုပ်ငန်းတွေအားလုံးလွှဲပေးလိုက်ကြပြီး စင်္ကါပူမှာ သွားနေကြ၏။ တစ်နှစ်သုံးခေါက်လောက်တော့ မြန်မာနိုင်ငံက်ို ပြန်လာလေ့ရှိသည်။
ကိုဘုန်းရဲ့မိဘတွေက သလင်းကိုလည်း သားအရင်းပမာသဘောထားသည်၊ချစ်ကြသည်။
မကြာမီ Singapore-Myanmar လေယာဥ်တစ်စင်းစိုက်ရောက်လာ၏။ အချိန်တိုလေးအတွင်းမှာပဲ ခရီးသည်များ များပြားလာသည့်အတွက် သလင်းတို့နှစ်ယောက် ထိုင်နေရာမှထကာ ကိုဘုန်းမိဘတွေကို ရှာနေကြသည်။
ခေတ်ဆန်စွာဝတ်ဆင်ထားသည့် လူကြီးပိုင်းစုံတွဲတစ်တွဲကို သလင်းတို့တွေ့လိုက်ရသည်။ ကိုဘုန်းနှင့်သလင်းတို့ ထိုစုံတွဲဆီအပြေးတပိုင်းလျှောက်သွားလိုက်သည်။
"Welcome မာမီနဲ့ဒယ်ဒီ''
အနားရောက်ရောက်ချင်း ကိုဘုန်းက ထိုစုံတွဲကို ပွေ့ဖက်ကာခရီးဦးကြိုပြုလိုက်သည်။
ထိုစုံတွဲကား ဘုန်းသာလျှံ၏မိဘများဖြစ်သော ဦးသာထင်နှင့်ဒေါ်မြတ်သူဇာတို့ပင်ဖြစ်ပေ၏။
"လာကြိုသားပဲနော်၊ ဒယ်ဒီတို့ကသားအလုပ်များပြီးလာမကြိုဘူးထင်ထားတာ''
"မြတ်ပြောသားပဲ၊ သားက မြတ်တို့ကိုလာကြိုမှာပေါ့လို့၊ အခုကြည့်လေ''
"ဟုတ်ပြီဗျာ...၊ဒေါ်မြတ်သူဇာနိုင်သွားပါတယ်၊ဟားဟား...''
ခရီးရောက်ရောက်ချင်း ပျော်ရွှင်ကာစကားစမြည်နေကြသည့် လင်မယားနှစ်ဦးက သလင်းတို့ရှိမှန်းသတိပင်ထားမိရဲ့လားမသိ။
"လာကြိုရမှာပေါ့...၊ဒီဒယ်ဒီနဲ့မာမီ နှစ်ယောက်ထဲရှိတာကို''
ဘုန်းသာလျှံက စကားဆက်လိုက်ရာ
"ဟုတ်ပါပြီ၊ မာမီလည်း သားလာကြိုမယ်ထင်ပါတယ်၊ အခု သားသလင်းပါ ပါလာတာကိုး''
YOU ARE READING
ချစ်သူ့ရင်ခွင်ထက်ဝယ် (မောင့်ချစ်သူ) [ Complete ]
Romanceကိုယ်ကအားလုံးအတွက် ဧည့်လမ်းညွှန် ဖြစ်ခဲ့ပေမဲ့ မင်းအတွက်တော့ နှလုံးသားလမ်းညွှန် ဖြစ်ပါရစေ.....။ (27.1.2021) - (27.6.2021) ( ဇာတ်လမ်းပါအကြောင်းအရာများသည် စာရေးသူ၏စိတ်ကူးသက်သက်သာဖြစ်၍ တစ်စုံတစ်ဥ်ိးနှင့် တူညီခဲ့သည် ရှိသော် တိုက်ဆိုင်မှုသာဖြစ်ကြောင်း ကြ...