အမုန်းအားဥပေက္ခာပြု၍ [အမုန္းအားဥေပကၡာျပဳ၍] {Complete}

Ep - 25

Unicode

မနက်ခင်းနေရောင်ခြည်သည် ပြတင်းပေါက်မှတစ်ဆင့် ကျူးကျော်ဝင်ရောက်လာရင်း အိပ်မောကျနေသူ၏မျက်နှာချောချောပေါ်သို့ကျရောက်ကျီစယ်၏။

မျက်လုံးတို့ လှုပ်လီလှုပ်လဲ့ဖြင့် နှိုးထလာရင်း အကြောတစ်ချက်ဆန့်လိုက်ကာ စားပွဲပေါ်တင်ထားတဲ့ နာရီကို တစ်ချက်လှမ်းကြည့်လိုက်တော့ မနက် 8 နာရီတိတိ...။

စိတ်အာရုံတို့ပေါ့ပါးစွာ ကြည်ကြည်လင်လင်နိုးထလာရသော မနက်ခင်းတစ်ခုသည် မှည့်နက်ပိုင်ရှင် နှုတ်ခမ်းသားလေးထက်ဝယ် အပြုံးတစ်ပွင့်ကိုဖြစ်ထွန်းစေခဲ့၏။

မျက်နှာသစ်ရန် ရေချိုးခန်းထဲဝင်ပြီး မှန်ထဲမှာပေါ်နေသည့် သူ့မျက်နှာကိုကြည့်ကာ XZ ယုန်သွားလေးတွေပေါ်သည်အထိ ပြုံးမိလိုက်သည်။

ညာဘက်ပါးလေးကို လက်ဖဝါးတစ်ဖက်ဖြင့် ခပ်ဖွဖွအုပ်ကိုင်မိတော့ ရင်ခုန်သံတွေဟာ သံစဥ်မညီစွာ ခုန်ပေါက်မြည်ဟီးလာပြန်၏။

ညက.....
သူ့ပါးပြင် အနီးအနားတစ်ဝိုက်မှာ တိုက်ခတ်လာသည့် ဝင်သက်ထွက်သက်မျှင်းမျှင်းလေးရယ်...
ပြီးတော့... ဖွဖွဆိုမှ တကယ့်ဖွဖွလေးသာ ထိကပ်လာသည့် နူးညံ့တဲ့ နှုတ်ခမ်းလေးတစ်စုံရယ်..!

"Good night My Ko Ko, Sweet Dream"

ဆိုတဲ့ လေသံတိုးညင်းညင်းလေးရယ်...။

ချစ်ရတဲ့ Baby လေးပါဝင်တဲ့
သိပ်ကိုလှပတဲ့အိမ်မက်လေးတစ်ခုလို့
ကိုယ် ထင်ခဲ့မိပေမယ့် မင်းလေးရဲ့ရှိုက်သံသဲ့သဲ့က ကိုယ့်နှလုံးသားကို အပ်နဲ့ခပ်ဆက်ဆက် ထိုးစွပြီး နှိုးခဲ့တယ်လေ...။

မင်းလေး သိပ်ဆိုးတယ် Baby ရယ်...။

ကိုယ့်ကို ရူးသွားစေဖို့များ ကြံရွယ်ခဲ့လေသလား...?

မင်းလေးလည်း ကိုယ့်ကို ချစ်နေပါရက်နဲ့ကွာ...!

ဘယ်လို နာကျင်စရာအတိတ်တွေရှိခဲ့လို့များ ကိုယ့်တို့ရဲ့အချစ်တွေကို စည်းအထပ်ထပ်ခြားထားရက်သလဲ...?

Baby ခွင့်မလွှတ်နိုင်ရလောက်အထိ ကိုယ် Baby အပေါ် ဘာအမှားတွေများ လုပ်ထားမိခဲ့သလဲလေ...။