Unicode
"YB မင်း ငြိမ်လှပါလားကွ"
ကျောင်းရောက်ကတည်းကငြိမ်နေသော YB ကို ကြည့်ပြီး "ကျင်းရီ" လှမ်းပြောလိုက်ခြင်းဖြစ်သည်။
YB ကျောင်းပျက်ရက်တွေများနေတာကြောင့် "စစ်ကျွေး" က ကျောင်းလာဖို့ခေါ်ထားတာဖြစ်ပြီး ကျောင်းကိုလာတော့လည်း ငြိမ်ချက်သားကောင်းနေပြန်၏။
YB လည်း "ကျင်းရီ" စကားကြောင့် သတိပြန်ဝင်လာပြီး ဘာမှမဖြစ်သလိုပဲပြန်ဖြေ၏။
"Aww... ငါ နဲနဲ ပင်ပန်းနေလို့ပါ..."
YB ရဲ့အဖြေ ၊ YB ရဲ့အခုဖြစ်နေတဲ့ပုံစံကို "စစ်ကျွေး" က သိပ်သဘောမကျသော်လည်း "ကျင်းရီ" ကတော့ အပူအပင်ကင်းစွာပင့ အစားအသောက်တွေကို စွတ်စားနေလျက်...။
YB စိတ်တွေ ပျံလွင့်နေ၏။
ဟိုရောက်လိုက် ဒီရောက်လိုက်နှင့်...။
ဟိုလူကြီးနဲ့ ခေါ်ထားပေးတဲ့ကောင်လေး အခန်းထဲတူတူဝင်သွားတာကိုလည်း မြင်ယောင်လာပြန်၏။
အဲ့လူကြီး ကိုယ်ခေါ်ပေးထားတဲ့ကောင်လေးနဲ့ အဆင်ပြေနေတာ ကျေနပ်ရမှာမဟုတ်ဘူးလား...?
ဓာတ်ပုံတွေလည်း ရလိုက်တယ်လေ...။
ငါကိုက ဘာဖြစ်ချင်မှန်းကိုမသိဘူး။
အနည်းဆုံးတော့ ကိုယ်ခံစားခဲ့ရတာတွေထက် နဲနဲလောက် သူခံစားရရင် ပျော်နေရမှာမဟုတ်ဘူးလား...?
အဲ့လူကြီးက ဘာတွေများကောင်းနေလို့လဲ...?
ငါ့မျက်လုံးထဲကို ဘာကိစ္စနဲ့ဝင်ဝင်လာရတာလဲ...?
YB ရာ YB မင်းရူးသွားပြီလား...?!!!
"ဝုန်း...!!"
YB စိတ်တွေလွတ်ထွက်သွားပြီး ရုတ်တရက် မတ်တပ်ထ,ရပ်လိုက်တော့ သူထိုင်နေတဲ့ ထိုင်ခုံလဲသွားကာ "ဝုန်း!" အသံထွက်သွားတာကြောင့် စစ်ကျွေးနဲ့ကျင်းရီ အပါအဝင် ကန်တင်းမှာရှိနေတဲ့လူတွေပါ လန့်သွားလေ၏။
"ကျင်းရီ" ကတော့ အစားတွေနင်းကန်စားပြီး YB ရုတ်တရက် 'ဝုန်းကနဲ' ထ,ရပ်လိုက်တော့ အစာသီးကာ ချောင်းတွေ 'တဟွတ်ဟွတ်' ဆိုးကုန်လေ၏။
"စစ်ကျွေး" ကတော့ "ကျင်းရီ" ကို စိတ်ပျက်သလို တစ်ချက်ကြည့်ပြီး YB ကိုလည်း သက်ပြင်းအသာချ၍ ကြည့်နေလေ၏။
YOU ARE READING
အမုန်းအားဥပေက္ခာပြု၍ [အမုန္းအားဥေပကၡာျပဳ၍] {Complete}
FanfictionZhanyi ❤💚 Fanfiction 💛 ( Myanmar 🇲🇲 ) This story is my 1st story.📌 So, you can criticize on this writing.✌🏻 Although it is a *Zhanyi Fanfiction*, everything, including the characters in this story, is my own idea. 🤍✨ Ep - 1 to 37 Final + Ex...
![အမုန်းအားဥပေက္ခာပြု၍ [အမုန္းအားဥေပကၡာျပဳ၍] {Complete}](https://img.wattpad.com/cover/251452793-64-k101138.jpg)