مي : عامل اي يا اسطا
محمد : اسطا !!!!
مي : في اي يا صاحبي
محمد : صاحبي اي انا خطيبك ع فكره
مي :طب فيها اي ما انت خطيبي وصاحبي عادي
محمد : لا طبعا مش عادي في فرق كبير بس الظاهر انتي مش واخده بالك منه ....انا عاوز أحس إني بكلم بنت مش واحد معايا ع القهوه
يا ربي اعمل اي في نفسي انا كدا ربنا خلقتني كدا لا ليا في المُحن ولا الكلام دا ومبعرفش لا اتسهوك ولا اتكلم زي البنات قولولي اعمل اي بس
مي : سوسو حبيبتي عاوزه اتعلم الكلام اللي بيقول عليه مُحن دا
ساره : وجايه ليا عشان أعلمك صح
مي : ايوا ...قوليلي بقا اعمل اي
ساره : ههه كان القرد نفع نفسه ..انا عاوزه اللي يعلمني
مي : يووه طب المفروض أروح لمين يعلمني بقا
ساره : والله مش عارفه بس لو لقيتي حد يعلمك ابقي خليه يعلمني انا كمان
هما مش المفروض بيقولوا اللي بيحب حد بيقبله زي ما هو من غير تغير ..طب ليه محمد مش قابلني ع كدا ....ليه عاوزين أغير من اسلوبي وطريقه كلامي
ليه عاوزني ابقا واحده تانيه مش انا
مي : محمد
محمد : نعم
مي : هو انا لو ماتغيرتش وبقيت كيوت ورمانسيه هتبطل تحبني
محمد : لا طبعا ....اي اللي انتي بتقوليه دا ...انا بحبك زي ما انتي ....بس انا عاوز اكون مميز عندك طريقه كلامك معايا تختلف عن اي حد ...عاوز البنوته اللي جواكي اللي كلامها يبهج القلب ويزرع ورود في الروح مش التانيه المسترجله دي ...ومتقوليش مش هعرف ...عشان انتي هتعرفي وهتقولي كل حاجه بس لو اديتي لنفسك فرصه وفتحتي قلبك ...انا مش بطلب حاجه مستحيلة ولا عاوزك طول الوقت تحبي فيا انا عاوز بس أحس إني بكلم حبيبتي ...عارفه يعني اي حبيبتي
مش هكدب واقول إن كلامه مأثرش فيا هو بردو مش بيطلب حاجه مستحيلة فيها اي يعني لو اتكلمت زي بقيت البنات بنعومه ورقه كدا ...ياااه والله تبقا حاجه قمر ..الخلاصة يعني انا هحاول عرفت كان بها ما معرفتش يبقا لا يكلف الله نفسا إلا وسعها
محمد : وحشتيني
مي في نفسها : يلا فرصتك جات لحد عندك يلا ردي بقا وقولي كلام حلو كدا يلا بسم الله
مي : ما تشوفش وحش
محمد : هو دا ليفل الوحش في الرومانسية عندك
مي : اصبر بس واتقل تاخد حاجه نضيفه
محمد : ماشي أما نشوف آخرتها
سكتنا وكل واحد سرح في ملكوت وفجاءة بدون مقدمات قال : تعرفي إنك حلوة اوي
ابتسمت وسكت
محمد : مي
مي : نعم
محمد : بحبك
قلبي اتهز وضحكت بس معرفتش أرد بردو وهو فضل ساكت مستني أرد عليه
ورديت بأبتسامه واسعه وبتلقائيه : حبتك العافيه
محمد : اه اه قلبي هيقف يا شيخه يخرب بيت اللي يقولك كلام حلو
مي : بص بقا انا معنديش غير كدا ...هتقبلني ع كدا أهلا وسهلا ...مش هتقبلني أهلا وسهلا بردو
محمد : يعني مفيش فايده
مي : لا مفيش
محمد : يبقا خلاص
مي : اي هتسبني
محمد : لا هرضى بنصيبي بقا وربنا يصبرني
مي ضحكت : يبقا انت كدا صاحبي وحبيبي وكفاءة
محمد :صبرني يا رب
مي : ههههه تعالي بقا أما احكيلك البت ساره عملت اي مع الواد محمود الملزق
رأيكوا 😂
اسكريبت جديد بعد فتره غياب طويييييله اوي
طبلولي بقا عشان ارجع اكتب تاني 😌❤
#امنيه_اشرف
