فرح : الو مين
سعيد بخبث : مبرووك يا عروسه عرفت انك اتخطبتي مش كنتي تدعيني دا انا بردو سعيد حبيبك
فرح بصدمه : سعيد
سعيد : ايوا يا بيبي سعيد انتي نستيني ولا اي
فرح بحده : ايوا نسيتك ومش عاوزه أفتكر واحد حقير زيك ابدا انا بندم علي اليوم اللي عرفتك فيه
سعيد : فرح لمي نفسك واتكلمي عدل
فرح بحده : انا اتكلم زي ما انا عاوزه وانت ملكش اي حق تقولي اتكلم ازاي .. ومتتصلش ع الرقم دا تاني انت فاهم
سعيد بسخريه : ههههه فرح القطه المغمضه طلع لها صوت وبتهدد مش خايفه اقول لخطيبك ع قصه حبنا ولا ابعتله الشات اللي ما بينا اللي باين فيه قد اي بتحبيني وهتموتي عليا
فرح اتصدمت وخافت من تهديده بس تماسكت وردت عليه بحده : أعلي ما في خيلك اركبه .. انا مش خايفه من اي حاجه وبقولك لآخر مرة متتصلش ع الرقم دا تاني احسنلك
وقفلت الفون في وشه من غير حتي ما تسمع رده وفضلت تتنفس بسرعه جدا من التوتر والخوف هو لو عمل اللي قال عليه وقال لمحمد أكيد محمد هيسبها بس لا سعيد جبان ومستحيل يعمل كدا هو بس بيخوفها ايوا بس بيخوفها ومش هيعمل كدا دا اللي الكلام اللي قالته لنفسها رغم خوفها الشديد ان سعيد ينفذ تهديده
أما عند سعيد بعد ما فرح هدديته وقفلت في وشه الفون اتجنن وخبط الفون في الحيطه
سعيد بجنون : ااه يا بت ..... انا تشتميني وتهددني وتقفلي في وشي الخط وحياة أمي لوريك وهندمك يا فرح
عند فرح قاعده تهدي نفسها وتكدب خوفها من سعيد وتهديده فجاءه فونها رن برقم غريب بصت في الفون وقلبها دق بسرعه خافت يكون سعيد تاني وهيكمل عليها ويهددها فمردتش عليه واستنت لحد ما قفل لوحده بس رن تاني
فرح فتحت الفون من غير ما تتكلم
وصلها صوت هادي وجميل : السلام عليكم يا فرحتي نمتي ولا اي
فرح اول ما سمعت صوته هديت كأن صوته بيحسسها بالأمان وردت عليه بخجل : وعليكم السلام
لا لسه صاحيه بس مردتش بسرعه عشان مش عارفه الرقم
محمد بمرح : طب سجليه بقا عشان تردي عليا بعد كدا بسرعه
فرح بأبتسامه خجوله : حاضر
وبعد كدا افتكرت حاجه انها مدتلوش رقم الفون بتاعها ولا هو حتي طلبه منها اومال هو جابه منين
فلسانها ترجم تفكيرها بسرعه وسأل : محمد هو انت جبت رقم الفون بتاعي منين انت مااخدتوش مني
محمد : رقم الفون بتاعك معايا من اول ماخطبتك بس مردتش اكلمك غير لما نكتب الكتاب عشان كل حاجه بينا تبقا في الحلال
فرح ابتسمت ابتسامه حزينه كل حاجه بيقولها او بيعملها بتخليه يكبر في نظرها أكتر واكتر كل كلامه بيدخل قلبها وبيبدد اي خوف فيه هو راجل بجد مش زي أشباه الرجال اللي كانت بتحب واحد منهم الحاجه الوحيده اللي ندمت عليها في حياتها كلها وهتفضل تندم عليها لآخر يوم في عمرها
فرح ومحمد فضلوا يتكلموا لوقت طويل هو بيحكلها كل حاجه في حياته وهي كمان حكتله ع الحاجات المهمه في حياتها واخدهم الوقت لحد ما نامت ع صوته
بتعدي الأيام وكل يوم فرح بتتعلق بمحمد عن اليوم اللي قبله نسيت سعيد تماما ونسيت كمان تهديده كل اللي بقا شاغل تفكيرها محمد... محمد وبس
لحد في يوم فرح راحت الكليه وخلصت محاضراتها وطلعت لقت محمد واقف مستنياها قدام الجامعه وساند ع العربيه بتاعه فضلت واقفه مكانها شويه تتأمل فيه قد اي جميل شيك في لبسه طويل وجسمه متناسق كل حاجه فيه جميله كل حاجه فيه تخطف القلب والعين
محمد شافها واقفه تتأمل فيه ابتسم لها وهي حست بالخجل قربت منه وهي وشها في الأرض
محمد اتكلم بهدوء : فرحة قلبي تسمحلي اخطفها ساعتين وارجعها تاني
فرح ابتسمت وسكت
محمد اتكلم : ها قولتي اي موافقه ولا ...وماتخافيش استأذنت باباكي يعني هو عارف انك معايا ماشي ولا اي
فرح بسعاده : ماشي بس هتوديني فين
محمد بمرح : المكان اللي انتي عاوزاه ...فرحه قلبي تؤمر وانا انفذ
فرح بسعاده : عاوزه اروح الملاهي
محمد : عنيا ليكي يا فرحتي
فرح ركبت العربيه جنب محمد ومشي بسرعه عشان يوديها الملاهي
سعيد واقف بعيد بيراقب فرح وشاف محمد وسعاده فرح فقرر انو لازم ينتقم منها ويكسر فرحتها
فرح ومحمد راحوا الملاهي ومحمد ركبها كل الالعاب وكان بيعملها ع أنها بنته مش حبيبته وجبلها غزل البنات واتغدوا بيتزا وقضوا يوم جميل جدا وروحوا
عدا يومين وفرح راحت الجامعه وسعيد شافها
نادي علي بنت اسمها سها عشان يحقق انتقامه من فرح
سعيد لسها : سوسو عاوزك في مصلحه
سها بدلع : عنيا ليكي يا برنس
عاوز اي
سعيد : عاوزك تجبيلي رقم خطيب فرح
سها : طب ودي أعملها ازاي
سعيد : بسيطه تاخدي تلفونها علي اكنك هتكلمي حد وتخدي الرقم منه
سها : عيوني بس تدفع كام
سعيد : انا كلي ليكي
سها بميوعه: ههيييبي كدا تعجبني اتشاوو هخلص المصلحه واجيلك
سعيد : اتشاووو يا بيبي مستنيكي
سها دخلت المدرج وقعدت جنب فرح واتكلمت بكسوف
سها : فرح ممكن تديني الفون بتاعك اكلم ماما عشان مش معايا رصيد دقيقه بس وهرجعولك تاني
فرح بحسن نيه : طبعا يا سها اتفضلي الفون اهوو اتكلمي براحتك
سها : ميرسي يا فرح
وخدت الفون وبعدت عن فرح شويه وعملت انها بتكتب الرقم بس بتدور ع رقم خطيب فرح لاقت اسمه مكتوب( محمد وجنبه قلب أحمر ) فعرفت انو هو خدت الرقم بسرعه وكلمت مامتها دقيقه وقفلت وادت فرح الفون وشكرتها ومشيت بسرعه ولا كأنها عملت حاجه
وراحت لسعيد بسرعه وادته الرقم
سعيد خد الرقم وأبتسم بخبث
محمد جه الجامعه واخد فرح ووصلها لحد البيت
في بيت محمد بليل قاعد ماسك الفون بتاعه عشان يكلم فرح
فجاءه اتبعتله رسايل عباره عن اسكرين شوت لشات ما بين فرح خطيبته وواحد تاني
ورساله مكتوب فيها ( حبيت أعرفك حقيقه خطيبتك القطة المغمضة )
محمد بلع ريقه بصعوبه مش مصدق دي فرح حبيبته وخطبته وهي بتقول لواحد تاني بحبك ووحشتني دي عمرها ما قالتها ليه اد كدا هو كان مغفل وفاكر انها قطه مغمضه متعرفش اي حاجه وهي في الحقيقه حاجه تانيه خالص
محمد بقا بيلف حوالين نفسه ومش عارف يعمل اي
فدخل بسرعه اتوضي وصلي لما بيضايق أوي وبيفقد أعصابه بيصلي عشان يهدی
محمد صلي وهدي شويه وفضل يفكر بعقل أكيد الشات دا كان قبل ما تتخطب ليه يعني ماضي وكل حاجه في حياتها قبل ما يدخلها هو مالوش علاقه بيها هو يقدر يحكم عليها بس من وقت ما بقت خطيبته هي غلطت أكيد بس مفيش حد مبيغلطش هو هيسامحها وينسي الرسايل دي ولا كأنه شافها هو بيحبها وما صدق انه خطبها
بس كلامه دا ممنعوش انو يحس بوجع جامد في قلبه طب هي لسه بتحب الشخص دا ولا نسيته لسه بتفكر فيه ولا لا
محمد حس انه لو فضل يفكر بالطريقه دي هيفضل يعذب في نفسه فالاحسن انو ينام عشان يهرب من التفكير
عدي يومين وجه يوم عيد ميلاد فرح
فرح حاسه أن محمد متغير معها شويه بس بتكدب نفسها
فرح خرجت من الكليه لقت محمد ساند ع عربيته ومستنيها كالعاده فابتسمت ليه وراحت له بسرعه
محمد ابتسم لها بهدوء وفتح لها العربيه من غير ما يتكلم
فرح بمرح : قولي بقا هتوديني فين المرة دي
محمد وهو بيحاول يداري نبره الحزن اللي في صوته : لا المرة دي بقا مفاجأه
فرح : هيييه شوقتني اما نشوف بقا المفاجأة
محمد فضل ماشي لحد ما وصلوا لمطعم ونزلوا من العربيه
فرح دخلت المكان وقلبها بقا هيخرج من مكانه من كتر الفرحه المطعم فاضي مفيش في حد بس متزين بزينه جميله ومليان بلالين وفي بلونه كبيرة مكتوب عليها
(Happy Birthday ya Farhty❤❤)
وطربيزه عليها تورته عليها صورتها وجنبها بوكيه ورد أحمر
فرح من كتر الفرحه جريت ع محمد وحضنته جامد محمد اتفاجأ بس حضنها وباسها من رأسها (احم احم عادي يعني هما مكتوب كتابهم )
فرح بسعاده : انا مبسوطه اوي يا محمد عمري ما فرحت كدا ربنا يخليك ليا
محمد : ويخليكي ليا يا فرحتي انا أهم حاجه عندي تكوني مبسوطه
فرح : محمد انا بحبك.. بحبك اوي
محمد فرح جدا بس بردو حس بوجع في قلبه هي قالت الكلمه دي اللي بيتمني يسمعها منها قالتها لحد غيره قبل كدا بس ابتسم وقالها : انا كمان بحبك جدا يا فرحتي
فرح بجديه : محمد انا عاوزه اقولك ع حاجه يمكن دا لا وقته ولا مكانه بس انا مش عاوزه اخبي عليك اي حاجه مع ان حياتي قبل ما انت تتدخلها متخصكش بس انا عاوزه احكيلك علي أكبر غلطه غلطها في حياتي واكتر حاجه ندمت عليها وبدأت تحكيله كل حاجه ما وقت ما حبت سعيد لحد ما سابها حتي تهديده لها قالت عليه
محمد فضل يسمعها لحد ما خلصت كل حاجه
محمد بهدوء وهو حاسس ان قلبه بيوجعه : لسه بتحبيه
فرح : بحبك... بحبك انت وبس
انا معرفتش يعني اي حب غير لما انت دخلتي حياتي هو كان وهم في حياتي فراغ وكنت عاوزه املاه كنت محتاجه اهتمام في حياتي وملقتش غيره بس حب لا انا عمري ما حبيته عارف لما سابني مزعلتش عليه قد ما زعلت علي نفسي واني رخصت نفسي أوي كدا انا عاوزك تصدقني انا والله بحبك اوي يا محمد هو طلع من حياتي نهائي صدقني
محمد مسك ايديها وباسها كأنه بيشكرها علي اعترافها ليه وانها ما سبتوش لأوهامه وكمان بددت خوف من انها لسه تكون بتحب الشخص التاني
بس كلامها وطريقه اعترافها بحبها ليه وصدق كلامها اللي باين في عينيها خلاه صدقها وحبها زاد في قلبه
محمد : بحبك
فرح : يعني مسامحني ومش زعلان مني
محمد : انسي يا فرح انسي الفتره دي من حياتك وانا كمان هنسي ومش عاوزك تفتكري غير حياتنا مع بعض بس
فرح هزت رأسها بفرحه وحضنته تاني بقوة
ومحمد ابتسم بحب
محمد : بحبك... بحبك أوي يا فرحه عمري
فرح : وانا كمان بحبك اوي يا احلي حاجه حصلتلي في حياتي ❤
لما نحب حد نحب اللي يستاهل قلبنا اللي يحافظ علينا ويصدقنا اللي يحفر في الصخر ويتحدي العالم عشان يوصلنا قلبك غالي ونادر مترخصهوش ومتفرطيش فيه بسهوله ومتسعجليش نصيبك هيجي لحد عندك وخليكي فاكره إن
في مقوله بتقول
فإن الساعي اليك حلالاً لن يخونه دربه
بل سيسوقه الله لعقر دارك مجرورا من قلبه
اسكريبت
يُعطي القلب لمن يؤتمن عليه
رايكو😌 ❤
#امنيه_اشرف
