تكلمت نجمه بحزن : اتجوز يا مريم... اتجوز... حاسه ان قلبى هيقف... همووت... يارب... يارب
ربتت مريم ع كتفها تشاركها وجعها وقالت: اهدى يا نجمه... اهدى عشان خاطرى... والله ما كان يستاهلك
تمتمت نجمه بوجع : قلبى بيوجعنى اوى يا مريم.. اوى
خدتنى فى حضنها وفضلت تهدينى... بس انا قلبى بيتحرق... حلم عمرى وحب سنين... بقا لوحده تانيه فى كام شهر بس... ليه.. ليه... هى احسن منى فى ايه ليه يسيبنى ويروحلها... ليه يكسر قلبى كدا
هى نامت
ايوا يا طنط... بس مش عارفه نامت بجد... ولا بتهرب من الوجع
منه لله... قلبى بيتقطع ع بنتى
ربنا يسهله يا طنط.... هو اللى خسرها وخسر حبها... نجمه تستاهل احسن حد فى الدنيا... وبكرا ربنا يعوضها باللى ينسيها كل الوجع دا ويفرح قلبها
ليه وجع الحب صعب اوى كدا... ليه مش كل حاجه بنتمناها بتتحقق... ليه فى ليله.. واحده تبقا اسعد واحده فى الدنيا وواحده تانيه تبقا اصعب ليله تمر عليها... الغلط علينا ولا ع الحب ولا ع الدنيا ولا ع النصيب اللى منعرفش هيرسينا ع ايه
= بقيتى احسن يا نجمه
=ايوا يا ماما... انا كويسه جدا... بنتك قويه يا سمسمه
=ربنا يريح قلبك يا بنتى ويسعدك ويعوضك عن كل الوجع اللى شوفتيه
=يارب يا ماما يارب... بالله عليكى ادعيلى ع طول
وقفت قدام المرايه وخدت نفس عميق... انا قويه.. لازم انسى وأبدأ من جديد... تجربه وعدت بحلوها ومرها ووجعها... اللى باعنى ابيعه وميستاهلش انى افكر فيه ولا ثانيه... من النهارده خلاص... هبدأ حياه جديده بعيد عن كل حاجه وجعتنى و تعبت قلبى
=صبح صبح
=صباح الخيرات ع اللى عمره ما نفعتله اختيارات
=تؤ... طب ليه الغلط دا ع الصبح
=خلاص يا ميرى بهزر معاكى
=براحتك يا صاحبى... انتى عندك حق بردو... المهم انتى كويسه
=انا كويسه وكفايه بقا انا تعبت من السؤال دا... انا كويسه وجدا كمان
=خلاص.. خلاص... مكنش سؤال يعنى... يلا بقا هنعمل اى النهارده
=هنروح المشروع بتاعى طبعا... هنعمل ايه يعنى
=انا قولت هنروح ناكل.. ونتمشى ونجيب ايس كريم وكولا
=بت انتى مش لسه واكله
=عادى فيها اى ناكل تانى
=طب يلا... يلا يا مفجوعه
قاعده فى محل الورد بتاعى .. الورد هو اكتر حاجه حسيت انها قريبه منى... لما فكرت افتح مشروع هو اول حاجه جت ع بالى.. بقرأ فى رواية ومندمجه اوى مع الاحداث... فجاءه سمعت حد بيقول
