كانت تقود السياره بتهور كعادتها ولكي نكون اكثر صدقا فهي لا تعرف كيف تقود من الاساس ولكن هذه المدلله تفعل ما تريد
تدندن علي أنغام الاغنيه الشهيره وتجيني تلاقيني لسه بخيري مش هتبقي لغيري ايوا انا غيري مفيش
وفجاءه دون مقدمات اصطدمت بسيارة مركونه علي جانب الطريق لتصيح ايه بفزع : يالهووي يالهووي العربيه روحتي في داهيه يا يويو روحتي في داهيه
ليقترب منها مالك السيارة المصدومه وهو يصيح : انزليلي انزلي مبعترفيش تسوقي بتركبي عربيات ليه آيه : لو سمحت مسمحلكش تقولي عليا مش بعرف اسوق
آسر : طب اطلعي اطلعي من العربيه اللي انتي مستخبيه فيها دي وكلميني
آيه : ليه هو انا هبله عشان أطلع دا انت تقتلني
آسر : الله أما طولك يا روح
طب أمشي أمشي يلا من قدامي
آيه : لا استني
ثم قامت بأخذ بعض النقود من حقيبتها وهي تمد له يديها من زجاج السياره وهي تقول : خد الفلوس دي صلح بيها عربيك
جن جنون آسر من فعلتها ومن قله ذوقها
ليردف : تصدقي انك قليله الذوق دا بدل ما تعتذري بتديني فلوس كأني بشحت منك
رد آيه ببردو : طب اعملك اي يعني
آسر : متعمليش الحكايه وما فيها اننا هنطلع ع القسم اعملك محضر عشان تتعلمي الأدب وتتعملي متركبيش عربيات تاني
آيه : لا بالله عليك بلاش نروح القسم انا اسفه والله
آسر : وانا هعمل اي بأسفك هنروح القسم يعني هنروح
صمم آسر علي موقفه لترضخ آيه في النهايه و يذهبوا الي قسم الشرطه
دخلت آيه القسم وهي تبكي : يادي النهار اللي مش فايت هروح في داهيه أكيد
أما آسر قال لأحد العساكر : لو سمحت انا عاوز اعمل محضر
دله العسكري علي مكان ضابط الشرطه ليذهب إليه
دخل الي الضابط ليقول له : لو سمحت انا عاوز اعمل محضر في الانسه دي عشان خبطت العربيه بتاعي
ولكن آيه ما أن رايت الضابط حتي أسرعت تختبئ بحضنه وهي تقول : ابيه كريم الحقني
تفاجأ كريم حينما رأي اخته الصغري مدللته تبكي : اي يا يويو اي اللي حصل يا قلبي
رد آسر : الاستاذه خبطت العربيه بتاعي وانا عاوز اعمل محضر
كريم بدبلوماسيه وهو مازال يحتضن ايه : اه طبعا انت تحت امرك ....بس الأول انا بعتذر ليك نيابه عن أختي الصغيره وكمان انا مستعد اتحمل تكاليف تصليح العربيه ونمشي الأمور ودي من غير محضر ولا حاجه ......ثم اكمل وهو ينظر لايه انت شايف يعني عيله هبله ومش عارفه حاجه
آيه بغضب : هي مين دي اللي هبله
كريم : اخرسي انت دلوقتي
آسر بصدق : والله انا مكنتش هتكلم لما لاقيت اللي خبط العربيه بنت انا عارف ان كل الستات عندهم مشاكل في السوقه ....بس الانسه طلعت قليله الذوق عشان كدا كنت عاوزها تتأدب وتحرم تسوق تاني
تكلمت ايه بغضب : هي مين دي اللي قليله الذوق يا جدع انت متخلنيش اتعصب عليك
كريم بعصبيه : اخرسي يا ايه ومسمعش صوتك
ايه : بقا كدا طب انا همشي واتصرف انت بقا
هاا ثم خرجت سريعا
هز كريم رأسه بقله حيله ثم وجه كلامه لاسر : انا بعتذر مره تانيه يا استاذ اا
رد آسر سريعا : آسر ..اسمي آسر
كريم : تشرفنا يا استاذ آسر ...وانا كريم
آسر : الشرف ليا يا كريم باشا
ساوا كريم الأمور مع آسر وأصر بشده علي تحمل تكاليف تصليح السياره وأعطي لأسر عنوان ورشه لتصليح السيارات
خرج آسر من قسم الشرطه ليتفاجأ بتلك المجنونه تقف بالقرب من سيارته تجاهلها آسر وذهب الي سيارته ليقودها
آيه بغضب : انت يا جدع انت مش شايفني واقفه
آسر ببردو : وانا اعملك اي يعني اضربلك تعظيم سلام
غضبت ايه بشده ولكن أثرت الهدوء لتقول بصوت هادئ بعد ان طأطأت رأسها : انا أسفه
دهش آسر من رد فعلها ولكن رد بهدوء : حصل خير
ايه : انا مستعده اصلحلك العربيه
آسر : كريم باشا عمل الواجب واداني عنوان واحد اصلحها عنده
ايه : أكيد قالك ع عمو ناصر
يلا تعال بسرعه اوديك عنده
ثم دون ان تسمع رده فتحت السياره وركبت بالكرسي بجانب السائق
شعر آسر بالصدمه من فعلتها ليتمتم بداخله : مجنونه دي ولا اي
ثم قاد السياره وايه بجواره تصف له الطريق بمرح وتتعامل معه كأنها تعرفه منذ زمن
وصل آسر الي مكان الورشه لتنزل آيه سريعا وهي تهتف : عمو ناصر يا معلمي
خرج ذلك المدعو ناصر وهو يقول : يا أهلا بست البنات بوظتي عربيه مين المره دي
أشارت ايه ببراءه علي سياره آسر وهي تقول : عربيه الاستاذ وكنت هروح في داهيه وأكملت ببكاء مصطنع وداني القسم وكان عاوز يسجني وزهره شبابي تتقلب جرجير
ضحك ناصر بقوه علي تلك الشقيه
ثم رحب بآسر : أهلا يا هندسه كريم باشا كلمني ووصاني ع حضرتك
آسر : أهلا بيك يا اسطا العربيه عندك اهه أجي اخدها امتي بقا
ناصر وهو يتفحص السياره بعينه : يومين ..تلاته بالكتير وتجي تلاقيها جاهزه
آسر : ماشي تلات ايام واجيلك بإذن الله
ثم شكره وغادر
بقبت ايه واقفه مكانها بشردو ليقول لها ناصر : اخلي الواد شيكا يوصلك
هزت ايه رأسها بنعم لينادي ناصر لشيكا لايصالها الي منزلها
بعد مرور ثلاثه ايام
ذهب آسر الي ورشه ناصر ليأخذ سيارته
ليري ايه تقف بجوار سيارته تستند عليها
اقترب آسر وهو يلقي السلام
تكلمت آيه وهي تخبط بيدها علي السياره : عربيتك بقت جاهزه وزي الفل يا باشا
ضحك آسر : تسلم إيدك يا اسطا
ابتسمت ايه ليأتي ناصر يرحب به : أهلا يا هندسه عربيتك بقت تمام التمام
آسر : متشكر يا اسطا
ناصر : العفو يا باشا دا شغلي
اتفضل المفتاح اهوو دورها وشوف لو فيها حاجه
آسر : ماشي يا اسطا تسلم
شكر آسر ناصر مره اخري وهم ليغادر
لتوقفه ايه بسؤالها : انت هتمشي
استغرب آسر سؤالها ولكن هز رأسه بنعم
شعرت ايه بالخجل ولكنها مدت يدها لتسلم عليه وهي تقول : ايه اسمي ايه
ابتسمت آسر فهو لم يتعرف عليها ولا علي اسمها
مد لها يده وهو يقول : وانا آسر
ابتسمت ايه بإتساع وهي : آسر الله بحب الاسم دا أوي آسر ...آسر ياسين ..مستر عمر ...هاي شوجر
ثم وجهت كلامها لاسر وهي تقول : قول هاي شوجر كدا
قهقه آسر بقوه وهو يقول لها : انتي مشكله
آيه بسرعه : وانت حلها
آسر : نعم
آيه : بقولك قول هاي شوجر كدا
آسر : هاي شوجر
آيه بسعاده : هيييح بتقولها احلي منه والله
ابتسم آسر وهو : مش أوي كدا يعني
ثم أكمل كلامه اتشرفت بمعرفتك يا انسه شوجر
قصدي انسه ايه
ضحكت ايه : طب ينوبك ثواب
وصلني بقا في طريقك
ضحك آسر ورحب بأيصالها بقت ايه طوال الطريق تتحدث معه بمرح واسر يضحك بشده علي ردود أفعالها وكلامها العفوي فهي غير مطصنعه وهو يحب هذا النوع من البشر يشعر معهم بالراحه فهو أيضا لا يحب التجمل وهذا المجنونه مرحه الي أبعد الحدود وتؤسر القلب بمرحها
بعد مرور عده شهور
كان آسر يقود سيارته لتصطدم به سياره اخري من الخلف نزل آسر من سيارته بعنف وهو يسب من صدم سيارته ولكنه وضع يده علي رأسه بيأس حينما تعرف علي هوايه صاحب السياره الأخري
نعم هي ومن غيرها تلك المجنونة
آسر بعصبيه : اعمل فيكي ايه
قوليلي اعمل فيكي ايه
اقتربت ايه منه وهي ترفرف بأهدابها : اقولك انا
اتجوزني وعلمني السواقه
ضحك آسر بقوه : موافق اعلمك السواقه بس من غير ما اتجوزك
آيه : لا طبعا انت تاخد البكدچ كله علي بعضه
وانا اصلا عارفه انك بتحبني
آسر بضحك : ايوا بس
آيه بصرامه : مفيش بس الخطوبه بعد شهر والجواز
بعد ست شهور
وان شاء الله وألف الف مبروك 😂😂
رايكو 🙈❤
#امنيه اشرف
