عمر :فريده يا فريده
فريده :نعم يا عمر في حاجه
عمر : احم كنت عاوز اقولك ع حاجه
فريده : اتفضل
عمر : بصي هو انا المفروض كنت اعترفلك من زمان بس بصراحه مكنش عندي الشجاعة الكافيه
فريده : مش فاهمه يا عمر ممكن توضح
عمر : بصراحه ومن غير لف ودوران ...انا بحبك ❤
فريده بصدمه : ايه
عمر ابتسم : بحبك
فريده : عمر انا ..انا اسفه بس مش هينفع
عمر : ليه ...ليه مش هينفع ...في حد تاني في حياتك
فريده : لا مفيش حد ...بس انا وانت مننفعش لبعض
انا آسفه ..عن إذنك
فريده مشيت بسرعه ومقدرتش تتحكم في دموعها اللي غرقت وشها
وعمر فضل واقف مكانه مصدوم مكنش متخيل ان دا هيكون ردها عليه
.......................
فريده روحت بيتها ودخلت اوضتها بسرعه وهي بتبكي جامد ملك قلقت وقربت منها بخوف
ملك : فريده في ايه بتعيطي ليه
فريده : .....
ملك : يا بنتي ردي عليا ...اي اللي حصل
فريده ببكاء : عمر قالي انو بيحبني
ملك فرحت : ودا حاجه تخليكي تعيطي ...مش انتي كمان بتحبيه
فريده : ايوا بس مينفعش
ملك : بت انتي هبلة....هو بيحبك وانتي بتحبيه...مينفعش ليه بقا
فريده بكت جامد وردت : عشان ساره بتحبه
ملك اتصدمت : انتي بتهزري صح
فريده : لا
ملك : طب وانتي عرفتي منين
فريده : كنا بنتكلم مره وقالتلي انها معجبه بيه
ملك : يا لهووي ع الحظ النحس ...يعني ساره سابت شباب البلد كلها و محبتش غير عمر اللي انتي بتحبيه
فريده : ما هي متعرفش إني بحبه ...اصلا محدش يعرف غيرك يا ملك
ملك بزعل عشان اختها : طب انتي هتعملي اي
فريده : مش عارفه ...بس انا قولتله اننا مننفعش لبعض
ملك : طب يعني انتي لو مرتبطيش بعمر ...هو كدا هيرتبط بساره
فريده : معرفش يا ملك ... مش مهم يرتبط بأي حد
المهم متبقاش انا ....ساره مش بس صاحبتي وأقرب حد ليا ....انا بعتبرها اختي ومستحيل ارتبط بعمر طول ما هي بتحبه ...مش هقدر اعملها مستحيل
ملك : خلاص يبقی تنسي عمر وان شاء الله ربنا يبعتلك اللي يستاهلك ... بس عندي سؤال ساره لو مكانك كانت هتعمل كدا ...ولا مكنتيش هتفرقي معاها
فريده بثقه : أكيد طبعا هتعمل نفس اللي انا عملته
مستحيل ساره تغدر بيا ...انا متأكده
.............................
تاني يوم
ساره : مورنينج يا بومه
فريده : أهلا يا كلب البحر
ساره : مكلمتنيش امبارح ليه
فريده : مكتئبه
ساره : هو انا عمري ما بكلمك غير لما تكوني مكتئبه
هو اي الهم دا ياربي...بومه... طاقه سلبيه لابسه ايشارب.... المهم تعالي نروح النادي
فريده : لا مليش مزاج
ساره : كنت عارفه انك هتقولي كدا
سلام يا بومه هكلمك بليل
فريده : اوكي سلام
.....................
عدا كام يوم وفريده مش بتخرج من البيت وسارة حاولت كتير معاها او انها تعرف مالها بس فريده كانت كل مره بتغير الموضوع وبتقول مخنوقه ومكتئبه
وفي يوم ساره كانت في النادي وبالصدفه عمر كمان كان موجود
عمر اول لما شاف ساره قرب منها واتكلم معاها
عمر : ازيك يا ساره
ساره ابتسمت : الحمد لله يا عمر بخير
انت اخبارك اي
عمر : الحمد لله ...احم اومال فريده فين مش باينه بقالها كام يوم
ساره ضحكت : الست هانم عامله بيات شتوي ومش بتخرج من البيت
عمر ضحك : المهم انها كويسه ...ساره انا كنت عاوز اسأل ع حاجه لأني عارف ان انتي أكتر واحده قريبه من فريده
ساره : في اي يا عمر ...اتكلم ع طول
عمر : هو في حد في حياة فريده ...أقصد يعني هي مرتبطه بحد
ساره : لا ...بس انت بتسأل ليه
عمر ابتسم : بصراحه انا بحبها ...وقولتها بس هي قالتلي انو مينفعش
ساره سكت وقلبت الموضوع في دماغها وعرفت سبب تغير فريده معاها بس ابتسمت وردت علي عمر
ساره : عمر انت بتحبها بجد
عمر : ايوا وكنت هطلب ايديها من باباها بس قولت اخد رأيها الأول
ساره : طب تمام سيب الموضوع دا عليا
واوعدك انك هتسمع أخبار حلوة
عمر بفرحه : بجد يا ساره
ساره : طبعا.... بس هو انا عمري هزرت معاك قبل كدا
عمر بتلقائيه : لا
ساره : يبقا خلاص ..سلاموز انا بقا
........................
سارة راحت لفريدة البيت وخبطت ع الباب ملك فتحت لها
ساره : سالخير
ملك ضحكت : سالنور يا أختي
ساره : اختك العره فين
ملك : في اوضتها
ساره :تمام انا هدخلها وانتي هتيلي حاجه اشربها
ملك : شغاله عند اللي خلفوكي انا
ساره : بطلي رغي بدل ما اولع فيكي انتي واختك
وسابتها ودخلت لفريده
ساره بصوت عالي : انتي يا هانم اصحي
فريده صحيت مفزوعه : يا شيخه الله يخرب بيتك
خضتيني
ساره : اصحي وفوقي معايا ....ليه مقولتيلش ان عمر بيحبك
فريده : انتي عرفتي منين
ساره : هو يا اختي اللي قالي
فريده بصدمه : بجد
ساره : اها انتي مقولتيلش ليه
فريده : .....
ساره : اقولك انا ...هو انا عشان قولتلك اني بكراش عليه ...فكرتيني ميته في هواه ...انا يا اختي بكراش ع كل اللي في النادي اصلا
فريده : يعني مش زعلانه مني
ساره : وانا اي اللي هيزعلني ...بالعكس انا هطير من الفرحه لأني هخلص منك اخيرا
فريده : بت انا بحبك ...انتي احسن صاحبه في الدنيا
ساره : وانا بحبك ...بس اوي تنسي لما ترتبطي بعمر
تظبطيني مع حازم صاحبه اه ...احنا ناخد الواد وصاحبه معلش
فريده بضحك: بس كدا غالي والطلب رخيص
.............................
بعد يومين
ساره بتكلم فريده ع الفون
ساره : انتي يا بومه
فريده : عاوزه ايه
ساره : 10 دقايق وتلاقيني عندك
فريده : ودا ليه
ساره : عشان نروح النادي..... اوك يلا سلام
وقفلت من غير ما تسمع رد فريدة
وفعلا 10 دقايق وكانت عند فريدة
ساره : زفته البسي الطقم دا بيبقي حلو عليكي
فريده بزهق : اي أوامر تانيه
ساره : لا بس انجزي يلا
وصلوا النادي وفريده اول ما دخلت اتفاجأت بالمكان كله زينه وبلالين كتير وكل أصحابها وأصحاب عمر موجودين وعمر واقف وشايل بوكيه ورد تحفه
قرب منها وهو بيبتسم وادلها البوكيه وركع ع ركبته
وفتح علبة فيها خاتم تحفه
عمر بأبتسامة : تتجوزيني
فريده اتصدمت وهزت دماغها بفرحه وردت بسرعة وابتسامة: موافقة
عمر ابتسم بفرحة ولابسها الخاتم وباس ايديها وبعد كدا شالها ولف بيها وهو بيصرخ بفرحه والشباب والبنات حواليهم بيصفروا وبيزغرطوا.
رأيكوا 😌
#أمنية_أشرف
