قاعده ع البحر وايديها بتلعب في الرمله اتنهدت بأبتسامه واتكلمت : عارفه يا بت لولو نفسي اعمل فرحي ع البحر.....يااااه هيبقا وهم الاء : احلمي احلمي يا أختي هي الأحلام بفلوس شجن : تصدقي انك عيله فقر ...مبتبسيش الواحد يتمني حتي لازم تصدميني بالواقع المر الاء : يا بنتي اعملك اي ما انا زهقت ...كل شويه هجيب الفستان دا في فرحي... مش عارفه هعمل اي في فرحي ..وانتي اساسا سنجل بائس محدش بيعبرك شجن بصلتها بغيظ : مهو لازم ابقا سنجل بائس... حد يصاحب بومه زيك كدا ويبقا يرتبط ويفرح زي الناس الاء : يا سلام يا أختي يعني انا السبب في النحس شجن : ايوا انتي الاء ردت ببرود : طب احنا فيها اهوو اقطعي علاقتك بيا شجن ببراء : مقدرش يا لولو انتي حبيبتي أقطع علاقتي بيكي واصاحب مين ملقيش زيك يا خبرة ابداً الاء : دا انا اللي هقطع علاقتي بيكي قال خبره قال سلام ولا لا من غير سلام ومشيت وسابتها شجن ضحكت وقامت تجري وراها : لولو يا خبرة استني يا بت فضلت تجري ورا الاء وهي بتضحك ومش ملاحظه اللي واقف مراقب كل حركه ليها وكل كلمه وكل ضحكه وكأن عيونه اتخلقت عشان تراقب ملامحها اتنهد بأبتسامه ارتسمت علي وشه بسبب ضحكه الشقيه اللي مجنناه .............................
واقفه هي والاء بياكلوا آيس كريم بأستمتاع بعد ماانضمت ليهم المجنونة التالته بسمة الاء بهيام : الشوكلاته تحفه شجن : المانجا رهيبه بسمه : الفراولة ولا اروع
Oops! This image does not follow our content guidelines. To continue publishing, please remove it or upload a different image.
شجن : طب كل واحده تدوقني من بتاعها الاء : كنت عارفه انك هتقولي كدا.... خدي يا اختي دوقي شجن : الله الشوكولاته جميله ...اي رأيك نبدل الاء : لا طبعا ..لو عاوزه كنتي جيبي لنفسك من الأول بسمة اتكلمت مره واحده : شايفين القمر اللي هناك دا شجن والاء في صوت : فين.... فين بسمه : اللي بياكل آيس كريم مانجا هناك دا شجن : اه شوفته قرة عيني بياكل مانجا هو كمان
الاء بضحك : ما تتلمي بقا هو كل لما تشوفي حد حلو يبقا قره عينك ع طول.... ما تدينا فرصتنا بسمه : هششش اتكتمي انتي وهي وسيبوني اركز الاء وشجن بأنتباه : اي يا خط تركز في اي يا معلم بسمه بمكر : الواد دا معجب بشجن الاء : نعم بتهزري صح شجن : مش قولتلكم قرة عيني الاء : استني يا بت خلينا نفهم ليه بتقول كدا يا خط بسمه : انا مرقباه من الصبح شجن : ازاي يعني بسمه : واحنا عند البحر الصبح شوفته كان بيبص ناحيتنا جامد قولت عادي يعني بس لما شجن مشيت هو كمان مشي ولما رجعنا تاني آخر النهار وانتي والاء كنتوا قاعدين كان مركز معاكو ومشالش عينه من عليكي ودلوقتي كمان جه ورانا وبياكل آيس كريم مانجا يبقا واضحه معجب بشجن الاء : لا والله وهو عشان بياكل آيس كريم مانجا يبقا معجب بشجن..... واحد بيحب المانجا عادي بسمه : ممكن تنقطينا بسوكاتك شجن : بصوا دا جاي ناحينا الاء : طب هنعمل اي بسمه : اثبتوا نعرف الأول هو عاوز اي قرب منهم ووقف قدام شجن واتكلم : ممكن اتكلم معاكي شويه شجن شاروت علي نفسها بمعني انا عاوز تتكلم معايا انا هز رأسه بمعني ايوا شجن بصت لصحابها تاخد منهم المشاورة بسمه هزت لها دماغها بموافقه وبعدت هي والاء شويه عنهم ساهر اتكلم بهدوء : متخافيش يا شجن.... عاوز اتكلم معاكي بس شجن بذهول : انت تعرف اسمي منين ساهر ابتسم : انا اعرف عنك كل حاجه اسمك شجن محمود اسماعيل بنوته وحيده معندكيش اخوات مامتك وباباكي بيحبوكي جدا وبيخافوا عليكي جدا صحابك الانتيم بسمه والآء دايما معاكي واي مكان بتروحيه بتاخديهم معاكي عندك 20 سنه وفي 3 تجاره انجلش شجن : هاا عرفت دا كله منين انت ساحر ساهر : لا انا عاشق شجن بتسمعه وهي تايهه بس مش عارفه ليه كلمه انا عاشق دخلت قلبها بسهوله أوي حسىت ان هو صادق فيها أوي اتكلم تاني : شجن انا عارف انك مش فاهمه حاجه بس انا بحبك واختي كمان زميلتك في الجامعه اسمها حلا لو تعرفيها شجن : حلا إيهاب ايوا اعرفها ساهر : ايوا أختي اول يوم وصلتها للجامعه شوفتك فيه ومش عارف من ساعه ما شوفتك وانا قلبي مبقاش ملكي بقا ملكك انتي وبس من يومها وانا ابتديت اسأل عنك وعرفت عنك كل حاجه بس مكنش عندي الشجاعه الكافيه إني اصارحك لحد ما سمعتك النهارده وانتي بتقولي لصاحبتك انك عاوزه تعملي فرحك ع البحر حاست انها اشاره ليا عشان اتحرك واقول ان انا كمان نفسي نعمل فرحنا ع البحر شجن بصت ليه بتوهان مش عارفه ترد تقول اي كميه المشاعر اللي في صوته وكلامه ملامحه بتعبر عن كل كلمه بيقولها والغريب ان كل كلمه كأنها سهم وبيصيب مكانه في قلبها بس معرفتش تقول حاجه غير : ممكن امشي ساهر اتكلم بحزن : بس انتي مردتيش عليا ولا علي اي كلام قولته شجن : بكره هرد عليك بكره وجريت بسرعه لأصحابها بسمه : هاا قولي بسرعه قالك اي شجن : هااا الاء : ما تنطقي يا نيله الواد قالك اي شجن : بيحبني بسمه والاء في صوت : بتقولي ايه بيحبك بسمه شاورت علي نفسها بفخر : مش قولتلك نظرتي دايما في محلها الاء : هششش بقا عاوزين نفهم اللي حصل بسمه : هو انا مسكاها ما تتكلم شجن : هشش مش عاوزه اسمع صوتكم لحد ما نوصل البيت ...............................
تاني يوم شجن واقفه قدام البحر سرحانه لسه كلامه بيتردد في ودنها كأنها سامعه صوته وكأن صوته اتحفر في قلبها مش في عقلها بس واقف بيرقباها كعادته مش بيمل من مرقبته ليها كأنها بقت إدمان قرب منها بهدوء عشان متتفزعش منه واتكلم : هنعمل احلي سيشن فرح في الدنيا بالنهار مع البحر ياااه هيبقا جنان شجن ابتسمت وهي بتتخيل السيشن كأنه قدامها ساهر : هاا قولتي اي هنعمل الفرح امتي شجن : فرح مره واحدة احنا لسه عارفين بعض امبارح ساهر بمعارضه : لا طبعا انا أعرفك من 3 سنين وبحبك شجن ضحكت : ماشي انت تعرفني من زمان بس انا لا ساهر : مش مهم تعرفيني من امتي المهم تعرفي اني بحبك شجن : عرفت ساهر : طب اي بقا شجن : مش عارفه ساهر : محتاره لسه ومش عارفه تخدي قرار صح شجن : ايوا صح ساهر : طب ممكن تسبيلي نفسك خالص وانا أكيد هخليكي تحبيني زي ما انا بحبك شجن : واثق اوي ساهر : مهو مفيش حل تاني هتحبيني يعني هتحبيني ................................... بعد مرور 3 شهور شجن واقفة ع البحر كالعادة بس المره دي مختلفة المره دي واقفه ع البحر بتصور سيشن فرحها وساهر معاها طاير من الفرحه قالها هخليكي تحبيني وفعلا وفي بوعده مفيش حاجه ممكن تفرحها إلا وعملها بقا صديق وحبيب وأخيراً بقا كمان زوج حبها ومسبهاش غير لما هي كمان حبته قرب منها ومسك ايديها باسها بحب وهي ضحتك وغمضت عيونها ورجعت رأسها لورا واتلقطت الصوره
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
