=انتي بتتجنبي وجودي ليه يا ساره
=ليه بتقول كدا انا مش بتجنب وجودك ولا حاجه انا بتعامل عادي جدا
=انتي شايفه كدا
=ايوا عادي
=ماشي تمام براحتك
مشي وسابني انا مش بتجنب وجوده انا خايفه خايفه إن مشاعري تظهر في نظرتي ليه .... خايفه يحس ان جوايا حاجه ليه .... خايفه يحس بحبي انا من يوم ما اتأكدت إني بحبه بعدت.... بعدت عشان محدش يشوف حبي ولا يحس بيه
=هتفضلي لحد امتي تعذبي نفسك يا ساره
=مين قال إني بعذب نفسي يا بسمه
=انا كويسه جدا
=انتي تقولي الكلام دا لأي حد عشان ميعرفكيش
بس انا لا عشان انا عارفاكي وفهماكي كويس
=ارجوكي يا بسمه بلاش كلام في الموضوع دا
=ليه يا ساره انا حاسه ان هو كمان بيحبك
=لا مستحيل انا مش عاوزاه يحبني اصلا
=حقيقي يا ساره انا مابقتش فاهمه انتي عاوزه اي
سكت انا كمان مش عارفه انا عاوزه ايه انا ايوا بحب سيف بس انا مش عايزاه يحبني ولا يحس بحبي
تقولوا غبيه تقولوا مجنونه بس انا كدا
انا وسيف مننفعش لبعض اصلا حبي هو الجنون في حد ذاته ازاي احب حد أصغر مني دا انا ع طول بقول علي اللي قدي في السن دول زي عيالي
يبقي يوم ما احب احب واحد أصغر مني
انا عارفه ان القلوب ملناش عليها سلطان ومنقدرش نتحكم نحب مين ولا نكره مين بس انا لحد دلوقتي مش متخيله الفكره يبقي الناس هتتقبلها ازاي
=هتفضلي ترفضي في العرسان لحد امتي
=يا ماما انا مش برفض وخلاص انا لسه ملقتش المناسب ليا
=وهتلاقيه امتي ان شاء الله اوعي تنسي يا ساره انك بتكبري في السن وبعدها مش هتلاقي حد يعبرك
علي قد ما كلامها وجعني إلا انها عندها حق في كل كلمه قالتها انا فعلا بكبر في السن وضيعت فرص كتير جدا مني بس انا مش قادره مش قادره اخد الخطوه دي وارتبط بحد وقلبي مع حد تاني للاسف هظلم الشخص اللي هرتبط بيه وانا ابدا عمري ما اتعودت ع الظلم
=اللي واخد عقلك
=يتهنى بيه يارب
=حرام عليكي نفسك والله
=يوووه بقا يا بسمه مش كل ما تكلميني تقوليلي كدا
=يا ساره انا خايفه عليكي وعاوزه مصلحتك.... اومال احنا صحاب ازاي بقا لو مش هننصح بعض ونخاف ع بعض
=اسفه يا بسمه والله مش قصدي بس انا فيا اللي مكفيني
=خلاص ولا يهمك... المهم هتعملي اي في العريس اللي مامتك بتقول عليه
=هقابله وهقعد معاه واللي فيه الخير يقدمه ربنا
=يعني دا اخر كلام يا ساره
=ايوا يا بسمه ومفيش كلام غيره
يا مرسال الهوی روح بلغه مرسالي... مرسالي شوق ومحبه أكتر من الليالي.... ليالي والله ما كانت تخطر يوم علي بالي
=يا بني انت مجنون
= ليه بتقول كدا
= بقول ايه يا سيف... هو في واحد يحب واحده أكبر منه
= وفيها ايه يعني.... أكبر مني ب سنتين تلاته... مش فارقه... المهم إني بحبها هي ومش شايف غيرها....عمري ما عرفت احب غيرها ولا عاوز احب غيرها
= والله يا سيف انت حر وأعمل اللي يريحك
=ما انا هعمل فعلا اللي يريحني
