ضحي : انت لو آخر واحد في الدنيا مش هتجوزك بردو يا كريم واعلي ما في خيلك اركبه
كريم : مش بمزاجك يا ضحي وهتتجوزيني غصب عنك لاما مش هتتجوزي خالص
ضحي : انتي اي يا اخي معندكش دم معدوم الكرامه
جبله اقول اي بس
كريم : لمي نفسك والزمي حدودك معايا وخلي يومك يعدي لاما ورحمه ابويا ما تعرفي انا هعمل اي
ضحي : لا تعرفني ولا اعرفك انا سيبهالك خالص
دخلت ضحي اوضتها ورزعت الباب في وشه
قعد كريم علي الكرسي بعنف
كريم : عاجبك يا تيتا اللي الهانم بتعمله داانا مبقتش عارف أعملها ايه
الجده : انتو الاتنين مش عجبني هتبقوا انتو السبب في موتي
كريم : بعيد الشر عليكي يا تيتا متقوليش كدا
الجده : يا كريم يا بني اللي بتعمله دا غلط
العند اخرته وحشه
كريم : طب اعملها اي يا تيتا مش نافع معاها اي حاجه
الجده : يا حبيبي بالهداوه خدها بالمسيسه هو انا بردو اللي هعرفك يا كريم اشحال بتقول علي نفسك مقطع السمكه وديلها
كريم : والله يا تيتا جربت معها كل حاجه ومفيش حاجه نافعه... المشكله إني عارف أنها بتحبني
عارفه يا تيتا لو انا متأكد واحد في الميه انها مش بتحبني انا عمري ما كنت أذل نفسي كدا
بس انا متأكد أنها بتحبني زي ما انا بحبها ويمكن أكتر بس انا مش عارف في اي بقا
الجده :معلش يا بني بكره تتعدل
كريم : يا رب يا تيتا
انا هقوم انام بقا تصبحي ع خير
الجده : وانت من أهل الخير يا حبيبي
في صباح اليوم التالي
يجلس كريم يتناول طعام الإفطار مع جدته
خرجت ضحي من غرفتها واقتربت من جدتها تطبع قبله علي خدها : صباح الخير يا تيتا
الجده : صباح الورد يا روح تيتا... اقعدي أفطر
ضحي : لا يا تيتا انا متأخرة وعندي محاضرة بدري يدوب ألحق
كريم : اقعدي أفطري لسه ساعه ع المحاضره وانا هوصلك بالعربية
ضحي : لا شكرا انا هركب مواصلات
كريم : اقعدي يا ضحي افطري واسمعي الكلام احسنلك
ضحي : لا
الجده : اقعدي يا ضحي وخلي كريم يوصلك يا حبيبتي عشان ابقا مطمنه عليكي عشان خاطري
ضحي : حاضر يا تيتا عشان خاطرك إنتي بس
كريم : صبرني يارب
بعد تناول طعام الإفطار ذهبت ضحي مع كريم علي مضض وظلت طوال الطريق لا تتحدث معه ولا تعيره اي اهتمام
بعد عدة أيام
جلست ضحي في المساء تذاكر دروسها بعد ان خلدت جدتها للنوم لتنقطع الكهرباء فجاءه
لتشعر ضحي بالخوف الشديد فهي لديها فوبيا من الظلام ظلت ضحي تبكي بشده بسبب خوفها بعد ان شعرت بضيق التنفس وضربات قلب سريعه
في ذات الوقت دخل كريم من الباب ليتوجه لغرفته
سمع صوت نحيب ضحي ليذهب إليها سريعا فهو يعلم بخوفها من الظلام
كريم : ضحي يا حبيبتي متخافيش
متخافيش انا معاكي اهدي يا ضحي
ضمها كريم الي صدره لكي تهدأ قليلا
وظل يهمس لها لكي تهدأ وتنام بعد مرور بعض الوقت انتظمت انفاسها ونامت
هم كريم لكي يتركها ولكنها تشبثت بكم ملابسه
فأقنع نفسه ان يظل بجانبها قليلا حتي تأتي الكهرباء فهو يخاف عليها ان تستيقظ وترتعب مره اخري
ظل يربت علي خصلات شعرها وهو يتذكر ايام بعيده منذ أن جاءت وهي في العاشره من عمرها لتسكن معه هو وجدته بعد وفاه والدتها وسفر والدها
وكان هو وقتها في الثامنة عشر لتصبح هي شغله الشاغل وتربيتها والمحافظة عليها من أهم اولوياته لا يدري متي تحولت مشاعره نحوها لحب جارف فهي طفلته الصغيره ورغم علاقاته النسائيه المتعددة إلا انه لم يحب سواها هي وفقط وعندما شعر بحبه لها أخلص لها تماما ولكن هي تغيرت كثيرا معه طلبها للزواج أكثر مره وفي كل مره ترفض يعلم أن صغيرته عنيده ولكن هو لن يستسلم ابدا
غلبه النعاس ليذهب في نوم عميق
بعد عدة ساعات استيقظت ضحي لتري كريم نائم علي حافه السرير بجانبها
أخذت ضحي ترمش بأهدابها علها تحلم ولكن لم يكن حلم بكل كان حقيقه لتشتد ملامحها من العصبية
وهي تضرب كريم علي ذراعه لكي يستيقظ
فزع كريم من نومه
كريم : ايه يا بنتي في ايه
ضحي : قوم قوم اي اللي منيمك هنا وازاي اصلا تدخل اوضتي انت اي انت مفكرني واحده من الزباله اللي بتعرفهم ولا كنت عاوز توهمني ان حصل بنا حاجه عشان تتجوزني غصب
وقف كريم متفاجئ من كلامها واتهامها له بالباطل
نظر إليها بحزن وابتسم بألم : شكرا يا ضحي
شكرا ع ظنك فيا وفي أخلاقي اللي هي للأسف نفس أخلاقك عشان انا اللي مربيكي
وخرج من الغرفه
نظرت ضحي للفراغ الذي كان كريم يشغله من دقائق
بشردو وهي تستوعب ما تفوهت به وللأسف تذكرت
كل ما حدث بالأمس بعد انقطاع الكهرباء
لتبكي بشده ع ظنها السئ فيه فهو كل شئ لها في هذه الدنيا كيف تظن فيه هكذا ولكنها فقدت ثقتها فيه بعد معرفتها بجميع علاقاته النسائية
علمت انه لم يبقي علي واحده منهم يتسلي بهم قليلا ثم يتركهم ولكن هي تعلم انه لم يكن يجرئ علي فعل شئ معها هي بالنسبه له شئ آخر
ولكن هي تخاف... تخاف من تركه لها في يوم من الأيام تخاف بشده فليس لها أحد سواه لذلك دائما تتعامل معه بعصبية وتمرد لكي لا تخضع له
اما كريم فقد ألمه قلبه بشده هل هذا رأي صغيرته به
هل تراه سيئ لهذه الدرجة
بعد مرور أسبوع حاولت فيه ضحي كثيرا الاعتذار من كريم ولكن هو لم يقبل اعتذارها وتجنبها تماما
ضحي : مش عارفه اعمل معاه ايه يا تيتا
اعتذارت كتير وهو مش راضي يقبل اعتذاري اعمل اي بس عشان يسامحني
الجده : انتي غلطتي يا ضحي كريم مش وحش عشان تقوليله كدا دا مستحيل يعمل حاجه زي دي
كريم بيخاف عليكي اكتر من نفسه يا ضحي
ضحي : عارفه يا تيتا والله عارفه بس انا خايفه
يسيبني ولا يزهق مني
الجده : والله انتي خايبه ولا تعرفي حاجه عن كريم
دا انا اللي مربياه وبصراحه يا حبيبه تيتا انا مش هطمن عليكي غير معاه
ضحي : بس هو يسامحني الأول وبعد كدا كل حاجه تتحل
الجده : هيسامحك متقلقيش
ضحي : يارب يا تيتا يارب
رن هاتف ضحي
ضحي : اي دا... دا كريم
ضحي : ايوا يا كريم
جاءها صوت رجل لا تعرفه يقول : السلام عليكم
صاحب التليفون دا عمل حادثه وهو دلوقتي في المستشفى
ضحي بخوف : ايه انت بتقول اي... طب هو كويس
.. طب في مستشفي ايه
ضحي بسرعه : طب تمام تمام انا جايه حالا
الجده بهلع : في ايه يا ضحي كريم ماله
ضحي : مفيش يا تيتا أهدي انا هروح اشوفه واطمنك
الجده : طب خديني معاكي يا بنتي
ضحي : لا يا تيتا انتي مش هتقدري انا هطمن عليه واكلمك اطمنك
ثم أسرعت ضحي تأخذه هاتفها وحقيبه يديها وهي تردد يارب استر يارب
يارب يكون بخير
يارب والنبي متوجعش قلبي عليه
بعد نصف ساعه
وصلت ضحي الي المستشفي وهي تجري بين اروقه المستشفي لكي تصل إليه
دخلت الي غرفته سريعا لتراه يرقد علي السرير مغمض العينين ساقه ويده مجبوران بالجبس وبعض الكدمات في وجهه... ليعتصر الألم قلبها عليه
نادت عليه بلهفه : كريم كريم يا حبيبي انت كويس
فتح كريم عينه بإعياء : يهمك أوي أن كنت كويس ولا لا أهو كنت هموت عشان ترتاحي مني
ضحي ببكاء : بعد الشر عليك متقولش
كدا انا مقدرش أعيش من غيرك
ابتسم كريم بسخريه : بلاش دور انك خايفه عليا
وهتموتي عليا عشان انا بقيت عارف انت بتكرهني اد ايه دا الحيوانات في نظرك أحسن مني
ضحي : لا متقولش كدا يا كريم انا بحبك والله العظيم بحبك وعمري ما حبيت حد غيرك
انا عارفه إني غلطت بس انت هتسامحني
انا ضحي حبيبتك
كريم : لا مش هسمحك وضحي حبيبتي دا كان زمان قبل ما تقولي الكلام اللي قولتيه
ضحي : طب مش انت كنت عاوز تتجوزني
كريم : بردو كان زمان دلوقتي لا
ضحي : طب انا عاوزه اتجوزك
كريم : لا مش موافق
ضحي : كريم
كريم : وفري كلامك مبقاش ليه لازمه انا اتذللت ليكي كتير دا انا كان ناقص ابوس رجلك عشان توافقي
ضحي : انا اسفه يا كريم عارفه إني زودتها
بس انا كنت خايفه انت عرفت بنات كتير كنت خايفه أوافق بسهوله تزهق مني بعد كدا وتسيبني
وأنا مقدرش أعيش من غيرك
كريم : انتي مجنونه اسيبك اسيبك ازاي
دا انا روحي تسيب جسمي قبل ما اسيبك... انتي روحي يا ضحي
ضحي : يعني هتتجوزني
كريم : أفكر
ضحي : كريم بطل رخامه
كريم : انتي عاوزني اتجوزك
ضحي : اه
كريم :انا موافق اطلبي إيدي بقا من تيتا
ضحي : تصدق انك بارد ورخم
كريم : خلاص خلاص انا اللي هطلب إيدك من تيتا
ضحي : يعني هتتجوزني
كريم : ايوا
ضحي : طب يلا
كريم : يلا ايه
ضحي : يلا نتجوز
كريم : دلوقتي دا انا مش قادر أحرك إيدي نتجوز ازاي بس
ضحي : يوووه يعني كان لازم تعمل حادثه وتتفشفش كدا
كريم : نصيبي بقا بس الحادثه كان وشها حلو عليا خلتني اسمع الكلام الحلو دا... ياريتني عملت حادثه من زمان
ضحي : بعد الشر عليك يا حبيبي.. بحبك يا كيمو
كريم : انا أكتر يا روح كيمو وعمره و دنيته
رأيكوا
#أمنية_أشرف
