اول عيد يجي واحنا متخاصمين يعني مفيش مكالمه العيد ولا عيديه ولا حتي خروف
انا فقر عارفه إني فقر حبكت يعني اعمل مشكله والعيد داخل علينا مش كنت استني لبعد العيد بس نقول اي بقا غباء والله الغباء ليه ناسه
قعدت حزينه و فضلت اعيط كدا يا مالك هونت عليك متعبرنيش ماشي
انا هقوم البس الطقم الجديد واروح لاصحابي وأتصور وانزلها ع الواتس وهو بقا يخليه مع الخروف اللي بيدبحه
لبست وقعدت تاني هنزل من غير ما استأذنه
وفيها اي يعني مش هو اللي اتقمص ومش بيكلمني
براحته بقا
فجاءه لقيت الفون بتاعي بيرن بالنغمه بتعته رديت
لقيته بيقولي انا تحت البيت انزليلي
قولتله حاضر ثواني نازله
قفلت ونزلت جري
وقفت شويه اي دا يقولي انزلي انزل ع طول فين الكرامه تتحرق الكرامه أكتر ما هي محروقه انا طول عمري مهزءه اصلا
نزلت لقيته واقف ومدي ضهره لباب العماره
قربت منه وهو بصلي عملت نفسي زعلانه
هو : الجميل زعلان ليه دا حتي النهارده العيد
اسأل نفسك
هو مين المفروض يزعل انا ولا انتي
مش فارقه
عندك حق المهم اننا زعلانين من بعض
بس انتي مهونتيش عليا فقولت نأجل الزعل لبعد العيد ونفرح لينا شويه
المهم اتفضلي يا ستي الخروف اللي كان نفسك فيه
وبوكس العيد اهوو وكمان العيديه
كل سنه وانتي معايا يا قلبي ومنوره حياتي
رديت وانا عيوني بتطلع قلوب كل سنه وانت عيدي والعيد من غيرك ما يبقاش عيد 😌❤
كل سنه وانتو طيبين عيد سعيد عليكو يا حلويات ❤
#امنيه_اشرف❤