هو انا ليه يا ربي محدش بيحبني هو انا وحشه !! اه وحشه هو انا هكدب علي نفسي انا مش بس وحشه انا مش استايل زي البنات ومش بعرف احط ميكب اب ولا بعرف اتسهوك ولا ادلع وكمان مش فرفوشه ولا بعرف اقلش يااااه كل دا دا انا كدا ضايعه ع الآخر يلا بقا هعمل اي نهايته اما أقوم ألبس واروح الفرح كل يوم فرح وشبكه وانا مفيش حد بيعبرني
لدرجه دي انا نكره ومحدش بيشوفني اهئ اهئ.. لا بس انا استرونج ولا يهزني صحابي بردو لسه قاعدين يالهووي كل دا بكلم نفسي لا انا اتهبلت فعلا
قومت لبست وقابلت صحابي وروحنا الفرح
الفرح كان جميل والعروسة بترقص ومبسوطة الأفراح حلوة بردو بتدي طاقه ايجابيه للواحد وبتفرح وبتخلي الواحد في حالة كدا من السعاده كأنه هيطير من علي الارض
خلص الفرح ومشينا انا وصحابي وقرروا أن احنا ناخدها مشي لحد البيت كلهم طبعا روحوا وانا فضلت لوحدي لأن انا بيتي أبعد بيت فيهم
فجاءه وانا مشيه لقيت واحد بيجري وبيكلمني
هو : أجري بسرعه
= اجري ! اجري ليه
=اجري بس وبطلي كلام مع نفسك زي الهبله
=نعم انت بتقول ايه
=بقول اجري
جريت معاه وانا مش عارفه انا بجري ليه بس بضحك وهو كمان بيضحك لحد ما وقف وفضل ياخد نفسه
الحمد لله فلت منيهم هههههه فلت منيهم
انا استغربت هو الواد دا عبيط ولا ايه لا هو أكيد عبيط يعني انتي اللي عاقله ما انتي بتكلمي نفسك زي الهبله اهوو
=قوليلي انتي جايه كدا منين
=هااا
=بقولك جايه منين
=وانت مالك ، وانت بتجري كدا ليه حد عاوز يقتلك ولا ايه
=وانتي مالك
=كدا
=ايوا... طب قولي انتي جايه منين وانا اقولك
=انا كنت في فرح صاحبتي
=اهاا انا قولت كدا بردو متشيكه وزي القمر أكيد كانت في فرح
=نعم
=اي انا قولت حاجه
=لا ، يلا قولي كنت بتجري ليه
=هقولك بس متضحكيش عليا
=حاضر مش هضحك
=احمم كانت الكلاب بتجري ورايا عشان كدا كنت بجري منهم
=ههههههههه ههههههههه انت بتخاف من الكلاب
=قولت متضحكيش
=ههههههه حاضر مش هضحك
=بطلي بقا ويلا عشان نروح
=نعم نروح نروح فين هو انت تعرفني
=ها اه... لا
=اه ولا لا
= لا
=اومال بتقول نروح ليه
=مش انتي مروحه بيتك وانا كمان مروح بيتي يبقا تروحي وانا اروح مش قصدي حاجه تانيه
=اها ماشي
=ماشي يلا أمشي
=هو انتي بيتك قريب من هنا
ايوا فاضل شارعين واوصل
=اي دا بجد انا بردو بيتي في .......
=اي دا بجد دا جنب بيتنا بس انا اول مرة اشوفك
=ها اه أصل انا لسه ساكن جديد
=اها عشان كدا
ها بقا قولتيلي اسمك ايه
=نعم انا مقولتلكش اسمي اصلا
=يا ولي الصابرين منا بقولك قولتيلي اسمك اي تقومي انتي تفهمي و تقولي اسمك ع طول
=اهااا اسمي ملك وانت
=اسمي محمود
=تشرفنا يا محمود
=الشرف ليا يا ملوكه 😂
=ملوكه 😒
=اها مش عاجبك الدلع
=لا بس انت متعرفنيش عشان تدلعني المفروض =تقولي يا انسه ملك أو يا ملك مش ملوكه
=خلاص يا مزمازيل ملك متزعليش
=مزمز ايه
=😂😂😂😂😂مش عاجبك مزمازيل دا حتي جميل
=بس اسكت متقولش حاجه خالص ولا تكلمني
=خلاص براحتك انتي الخسرانه 😇
