Chapter Three: : Eaint Myat Chal
သန့်ဇင်ကို ၊ မျိုးမင်းထက်နှင့် အောင်အောင်ဦးတို့ သူငယ်ချင်းသုံးယောက် ကျောင်းအုပ်ကြီး ရုံးခန်းသို့ အလည်အပတ် ရောက်ရှိနေကြသည် ၊ ကျန်နှစ်ယောက်အတွက် ဒီရုံးခန်းနှင့် ရင်းနှီးပြီးသားဖြစ်သော်လည်း လူပေါင်းမှားသည့် လူလိမ္မာလေး အောင်အောင်ဦး အတွက်မူ အသစ်အဆန်းဖြစ်နေသည်။
လွန်ခဲ့တဲ့ဆယ်မိနစ်လောက်တုံးက သုံးယောက်လုံး၏ တင်ပါးကို ရုံးခန်းထဲတွင်ရှိသော ဂန္တဝင် ကြိမ်လုံးနှင့် ငါးချက်စီ မိတ်ဆက်ပေးပြီးဖြစ်သည် ၊ အောင်အောင်ဦးက အရိုက်ခံနေကြ မဟုတ်သဖြင့် ကြိမ်းစပ်ဖြင်းနေသော ဖင်ကိုလက်ဖြင့်ပွတ်သတ်နေပြီး နောက်လက်တစ်ဖက် ကတော့ ပုဆိုးအကွဲ မပေါ်အောင် ပေါင်ကြားထဲ အတင်းထိုးထည့်နေသည်။
ကျောင်းအုပ်ဆရာမကြီးက သူတို့သုံးယောက်ကို စိတ်ပျက်အားလျော့စွာကြည့်ရင်း လက်ခါပြကာ......
“ မင်းတို့ကို ငါဘာမှမပြောချင်တော့ဖူး ၊ အတန်းကိုပြန်ကြတော့....မင်းတို့အတန်းပိုင်က ဘယ်သူလဲ”
“ဆရာမ...ဒေါ်ဝါဝါသိန်း”
“ဒေါ်ဝါဝါသိန်းလည်း မင်းတို့လက်ထက်ကြမှ နာမည်ပျက်ရတော့မယ် ၊ ဟဲ့...ဟိုကောင်လေး”
“ဗျာ…”
“ မင်းတို့နှစ်ယောက်ကိုခေါ်တာမဟုတ်ဖူး ၊ အောင်အောင်ဦးကိုခေါ်တာ”
“ ဟုတ်ကဲ့...ဆရာမကြီး”
“အေး....မင်းဒီနှစ်ကောာင်နဲ့ ကြပ်ကြပ်ပေါင်း ၊ နောက်ဆို ဒုက္ခတွေ့လိမ့်မယ် သိလား ပြီးတော့ ရှစ်တန်းကအစိုးရစစ်....ဒီနှစ်မေးခွန်းခက်မယ်ပြောတယ်.....မင်းတို့ကောင်တွေကွာ ၊ အိမ်က မင်းတို့ မိဘတွေက တစ်နေကုန်ရုန်းကန်ပြီး ကျောင်းထားကြရတာ.....မင်းတို့ကတော့ ပျော်လို့ကောင်းနေတယ်ပေါ့...ဟုတ်လား”
“မဟုတ်ပါဖူး ဆရာမကြီး”
“ပြီးတော့ဟိုနှစ်ကောင် ၊ ဒီနှစ်ထဲ အတန်းကြီးလာလို့ လိမ္မာသွားပြီလား အောက်မေ့တာ..... ငါ့ရုံးခန်းကို တစ်နှစ်ကို အနည်းဆုံးနှစ်ခေါက်မှမလာရရင် မနေနိုင်ကြဖူးလား.... အေး ဒီတစ်ခေါက်တော့ လွှတ်ပေးလိုက်မယ် ၊ နောက်တစ်ခေါက်ဆိုရင် မင်းတို့မိဘတွေ ကျောင်းခေါ်လာခိုင်းပြီး လက်မှတ်ထိုးခိုင်းမယ်....ကြားလား”
YOU ARE READING
When we were young
Romanceကျွန်တော်တို့အားလုံး ဖြတ်ကျော်ခဲ့ဖူးတဲ့ ကျောင်းသားဘဝကနေ အစပြုကာ ဖြစ်ပေါ်လာတဲ့ ချစ်စရာကောင်းတဲ့ ဇာတ်လမ်းလေးတစ်ပုဒ်။ ဂျစ်ကန်ကန် ကျောင်းသား ဆိုးပေလေး သန့်ဇင်ကို နဲ့ စာတော်ပြီး ဆရာများရဲ့ အချစ်တော် အိမ့်မျက်ချယ်တို့ရဲ့ ရင်ခုန်စရာ အဖြူစိမ်း ဘဝချိုချို။ W...
