The Reticent Nerd (Nerd Boys Series #1)

CHAPTER 04

Dedicated to:
nanyapixie6

OPHELIA CALLA

Papalabas na sana ako ng room nang may humarang sa dinadaanan ko.

Takang inangat ko ang tingin at tatabi na sana nang matigilan ako sa taong nakaharap ko.

Tila na-stuck ako sa kinatatayuan ko nang makitang si Chrase ang kaharap ko ngayon. Kahit s'ya ay nagulat din na makita akong nasa harapan n'ya.

Mukha s'yang pagod at alam kong sa practice iyon. Wala yatang awa si Khoen sa mga ka-team nito dahil all day n'yang sinasanay ang ka-team.

Di mapakali ang mata ni Chrase nang makita ako. Dali-dali s'yang tumabi sa dinadaanan ko at senyasan akong mauna na.

"M-Mauna ka na..."

Kahit tumatambol ang dibdib ko dahil sa kabahan ko ay ngitian ko s'ya at humakbang na papalabas ng room. Tatlong hakbang pa lamang ang ginawad ko nang mapahinto ako.

Nilingon ko s'ya at nakitang papasok ito sa room namin. Pakamot-kamot pa ito sa batok n'ya na napansin ko naman na ang cute n'ya sa lahat na iyan. Ngayon ko lang napansin na may dala-dala itong bag ng babae.

May girlfriend ba s'ya? Kaklase ko ba? Katanungan ko sa isip ko.

Napaiwas na lamang ako ng tingin at napailing. Wala naman sa 'kin kung may girlfriend s'ya dahil gaya nga sa sinabi ko, hindi ako seryoso masyado sa nararamdaman ko.

Ilang segundo lamang ay nakarating ako sa kabilang section ng Grade 10. Lahat ng kaibigan ko ay nasa Grade 10 at halata naman na nagkakilala kami dati dahil magkaklase kami noon. Ngayon lang talaga kami napahiwalay dahil bumaba ang grade ng dalawa ko 'pang kaibigan.

Huminto ako sa gilid ng pinto at hinabaan ang leeg ko para silipin kung nandiyan pa ba sila.

Napangiti na lamang ako nang makitang kakatapos lamang nilang magligpit ng gamit at sakto papalabas na sila nang makita ako sa labas.

Masayang niyakap ako ng dalawa kong kaibigan at hinalik-halikan pa ang pisnge ko. Napatawa tuloy ako sa mga pinaggagawa nila.

"My gosh! Na-miss kita, Ophelia!" sabik na sabik na sambit ni Nicka at humiwalay sa yakap.

Inakbayan ako pagkatapos ni Nelsie sa balikat at mahinang niyakap pa ako. "I miss you, kahit last week lamang tayo nagkita," sabi n'ya pa na nakangiti.

"I miss you both too. Pero parang mas na-miss niyo ako. Why so?" nakangisi kong tanong.

Inikutan ako ng mata ni Nicka. "Syempre dahil kaibigan ka namin! Parang girlfriend na kita, eh"

"'Cause I love you!" sabat naman ni Nelsie.

Natawa na lamang kami sa mga pinagsasabi namin. Eto 'yong nakakapagpasaya sa 'kin, ang makasama ang kaibigan ko sa kabaliwan o problema lamang.

I suddenly remember 'nong Grade 7 pa lamang kami. Madami akong manliligaw at lahat sila ay desperado talagang maging girlfriend ako. At dahil may mga kaibigan akong loka-loka, sinabi nila sa mga manliligaw ko na may boyfriend na ako at nasa Grade 10 kuno. At ang mas nakakatawa ron ay 'yong bad boy na lalaki ang sinabi nilang boyfriend ko. So natakot naman ang mga ito kaya palihim na lang sila nagbibigay ng chocolates and flowers.

Naalala ko ulit 'nong Grade 9 kami na 'di sinasadyang nagcutting kami. Ang alam kasi namin ay walang klase kaya tumambay kami sa library para don magbasa at tumambay. Pero pagkarating lamang namin sa room ay sinasabihan na kami na lagot kaming apat dahil nagcutting kami.