အခန်း ( ၆ )
" သား နဲ့ ဆရာနဲ့က သိနေကြတာလား "
" မသိပါဘူး "
နေခစားရော မိုးရိပ်ပါ ပြိုင်တူဖြေလိုက်မိကြသည်။
" အေးပါ ။ ဒါဆိုလည်း ဆရာ့ကို အိမ်အထိ ကားမောင်းပြီး လိုက်ပို့ပေးလိုက်ဦး "
" မာမီ ၊ ဦးထွန်းကို လိုက်ပို့ခိုင်းရမှာလေ ။ ကျွန်တော်က ဘာလို့ လိုက်ပို့ပေးရမှာလဲ "
" ဦးထွန်းက မင်းဒယ်ဒီခိုင်းထားတဲ့ အလုပ်ကိစ္စတွေ လိုက်လုပ်နေတယ်လေ "
" ကျွန်တော် လိုက်မပို့ချင်ဘူးဗျာ "
" မင်း ဘာဖြစ်နေတာလဲ နေခစား "
" ဟို...ရပါတယ် အန်တီ ။ ကျွန်တော် တစ်ယောက်တည်းပြန်လို့ အဆင်ပြေပါတယ် ။ ခွင့်ပြုပါဦးဗျ "
" ဘယ်ဟုတ်မလဲကွယ် ။
နေခစား မင်း မာမီ့စကားနားမထောင်ဘူးလား "
"ကျစ်! "
နေခစား မကျေမနပ်နှင့် ကားသော့ယူပြီး လိုက်ပို့ဖို့ပြင်ရတော့သည်။
မိုးရိပ်သည် ဒေါသထွက်နေသည့် နေခစားမျက်နှာကို အားနာနေသလို ကြည့်လိုက်ပေမယ့်
စိတ်ထဲမှာတော့ ကျေနပ်စွာ အော်ရယ်နေမိသည်။ မျက်နှာတည်ထားသည့်ကြားက နှုတ်ခမ်းထောင့်စွန်းလေးတွေ ကွေးတက်သွားသည်။
မိုးရိပ်ကင်း ပြုံးလိုက်တာကို မြင်လိုက်ရသည့် နေခစားမှာတော့ ဒေါသပိုထွက်လာရသည်။ မာမီ့စကားကို မလွန်ဆန်နိုင်လို့သာ လိုက်ပို့ပေးရမှာ ။ ဖြစ်နိုင်လျှင် မိုးရိပ်ကင်း နှင့် အတူမရှိချင် ၊ မတွေ့ချင်ပါဘူးဆိုမှ သူ့ရှေ့ကို ရောက်ရောက်လာသည်။ ဒါ တိုက်ဆိုင်မှုမှ ဟုတ်ရဲ့လား ။
နေခစား ဒေါသနှင့် ကားကို အရှိန်ပြင်းပြင်း မောင်းတော့ မိုးရိပ်ကင်း လန့်သွားတာ မြင်လိုက်ရသည်။ နေခစား ကျေနပ်စွာပြုံးပြီး အရှိန်ထပ်မြှင့်လိုက်သည်။
ကားလမ်းရှုပ်နေရသည့်အထဲ ကားကို အရှိန်မြင့်ပြီး မောင်းနေတာကြောင့် မိုးရိပ် နှလုံးခုန်မြန်ကာ ခြေဖျားလက်ဖျားတွေ အေးစက်လာသည်။ နေခစားကတော့ မိုးရိပ်ကြောက်နေတာမြင်တော့ ပို၍ အရှိန်မြင့်ပြီး မောင်းလိုက်သေးသည်။
YOU ARE READING
အမုန်းခ အချစ်ခြွေ < Completed >
Romanceဤဇာတ်လမ်းပါ အကြောင်းအရာများသည် စာရေးသူ၏ စိတ်ကူးသက်သက်သာ ဖြစ်ပါသည် ။ Boy's Love Story Own Creation. M_pregnant Photo crd.
