အခန်း ( ၂၁ )
မိုးရိပ် စာအုပ်ဖတ်နေတုန်း ခြံတံခါးသံဗန်းကို ဆက်တိုက်ထုနေသည့်အသံကြောင့် အိမ်ထဲကမြန်မြန်ပြေးထွက်လာကာတံခါးဖွင့်လိုက်ရသည် ။
" ဘယ်သူလဲ"
တံခါးဖွင့်လိုက်သော် မိုးရိပ်နှင့်ရွယ်တူ ကောင်လေးတစ်ယောက်ကို တွေ့လိုက်ရသည် ။
" ငါ တိမ်ယံလေ ။ ငါ့ကိုတောင် မမှတ်မိတော့ဘူးလား မိုးရိပ်ကင်း "
" ဟင်! မင်းကငါ့နာမည်ကိုသိနေတယ်"
" အင်း... သိပ်သိတာပေါ့မိုးရိပ်ရဲ့ ။ ငါကမင်းရဲ့တစ်ဦးတည်းသောသူငယ်ချင်းပဲလေ "
" ဟုတ်လား ၊ ငါ တောင်းပန်ပါတယ် ။ ကားမတော်တဆမှုဖြစ်ပြီးနောက်ပိုင်း ဘာမှမမှတ်မိတော့လို့ "
" အဟွန်း...ကိစ္စမရှိပါဘူး ။ ငါ ပြန်မှတ်မိအောင်လုပ်ပေးမှာပေါ့ မိုးရိပ်ရဲ့ ။ ဒါနဲ့ အိမ်ထဲဝင်ဖို့မပြောတော့ဘူးလား"
" ဪ...ဆောရီး ၊ မေ့နေတာ ၊ လာလေ တိမ်ယံ ။ အိမ်ထဲဝင်"
မိုးရိပ်က တိမ်ယံ အိမ်ထဲသို့ ဝင်ရန် ကိုယ်ကို ရွေ့ပေးလိုက်သည် ။
" အင်း"
တိမ်ယံက မိုးရိပ်တို့ အိမ်ထဲ ဝင်လာပြီး ဧည့်ခန်းက ခုံမှာဝင်ထိုင်သည်။ မိုးရိပ်လည်း တိမ်ယံနှင့် မျက်နှာချင်းဆိုင်မှာ ဝင်ထိုင်ပြီး စကားစလိုက်သည် ။
" နေခစားက ငါ့ သူငယ်ချင်းအကြောင်းတွေလည်း မပြောဖူးဘူး"
" သူ မင်းကို မပြောတဲ့အကြောင်းတွေ အများကြီးရှိသေးတယ် မိုးရိပ် ။ မင်း သိအောင် ငါ ပြောပြရမလား"
" ဟို...နေခစားက ငါ့ကို ပြောပြထားပါတယ် ။ ငါက... "
မိုးရိပ်၏ စကားမဆုံးခင်မှာဘဲ တိမ်ယံက ဖြတ်ပြောလာသည် ။
" မိဘမရှိတဲ့ တစ်ကောင်ကြွက်လို့ ပြောခဲ့တာမဟုတ်လား"
" ဟင်! အင်း... ဟုတ်တယ် "
" အဲဒါ နေခစား လိမ်ပြောခဲ့တာ"
" ဘယ်လို! "
" နေခစား လိမ်ပြောခဲ့တယ်လို့ ပြောတာ ။ မင်းမှာ ညီလေးတစ်ယောက်ရှိတယ် ။ နောက်ပြီး မင်းရဲ့ အမေလည်း လွန်ခဲ့တဲ့ နှစ်ပတ်လောက်ကပဲ ဆုံးသွားခဲ့တာ"
YOU ARE READING
အမုန်းခ အချစ်ခြွေ < Completed >
Romanceဤဇာတ်လမ်းပါ အကြောင်းအရာများသည် စာရေးသူ၏ စိတ်ကူးသက်သက်သာ ဖြစ်ပါသည် ။ Boy's Love Story Own Creation. M_pregnant Photo crd.
