Extra
ဒေါက်...ဒေါက်
နေခစား အလုပ်လုပ်ရာမှ တံခါးခေါက်သံကြား၍ ဝင်ခိုင်းလိုက်သည် ။
"ဘာကိစ္စလဲ "
သူ စာရင်းတွေကို စစ်နေရင်းနှင့်ပဲ မေးလိုက်သည် ။ သို့ပေမယ့် ပြန်မဖြေလာတာကြောင့် အလိုမကျစွာဖြင့် လှမ်းကြည့်လိုက်စဉ် သည်တစ်ခါ အံ့သြသွားရသူက နေခစား ။
"ဟင်! မိုးရိပ် "
သူ ချက်ချင်းပင် နေရာမှ ထလိုက်ပြီး မိုးရိပ်၏ အနားကို သွားလိုက်သည် ။
"ဘာလို့ကိုယ့်ကို အသံမပေးရတာလဲ "
"မင်း အလုပ်ထဲ အာရုံစိုက်နေတဲ့ပုံက ကြည့်ကောင်းလို့ ငေးနေတာ "
"ဟား...ဒါတွေက ဘာလဲ "
မိုးရိပ်၏ အဖြေကို သူ သဘောကျစွာ ရယ်မိပြီး လက်ထဲက အိတ်ဆီ အကြည့်ရောက်တော့ မေးလိုက်သည် ။
"ဒါလား... မင်းအတွက် နေ့လယ်စာ "
"ဟင်! "
နေခစားက အိတ်ကို လှမ်းယူပြီး မိုးရိပ်၏ လက်ကို ဆွဲကာ ဆိုဖာမှာထိုင်စေသည် ။ ပြီးနောက် လေးထောင့်မှန်စားပွဲရှည်ပေါ်မှာ အိတ်ကိုတင်ကာ ဘူးလေးတွေ ထုတ်လိုက်သည် ။
"ဒါဆို အတူစားရအောင် "
"အင်း "
ထမင်းဘူးနှင့် ကြက်အသည်းအမြစ်ဆီပြန် ၊ ကန်ဇွန်းရွက်နဲ့ မှိုကြော် ၊ သီးစုံပဲဟင်း ၊ ငရုတ်သီးထောင်း စသည်တို့ကို ဘူးလေးတွေနှင့် သေသေသပ်သပ် ထည့်ထားသည်မှာ စားချင်စဖွယ် ။
"ဒါတွေအကုန်လုံး မင်း ချက်လာတာလား "
"အင်း"
"မင်း ပင်ပန်းမှာပေါ့ မိုးရိပ်ရယ် ။ အိမ်မှာ ထမင်းဟင်းချက်ဖို့ လူခေါ်ထားတာပဲ ။ ဘာလို့အပင်ပန်းခံရတာလဲ "
သိပ်မကြာခင်ကမှ နေခစားသည် သားအတွက် ကလေးထိန်းရယ် ၊ ချက်ပြုတ်ရန်အတွက် လူနှစ်ယောက်ထပ်ခေါ်ခဲ့၏ ။
"မင်းကို ငါ့လက်ရာ စားစေချင်လို့လေ ။ မင်း မကြိုက်ဘူးဆိုရင်လည်း နောက် ချက်မကျွေးတော့ဘူး "
မိုးရိပ်က စိတ်ဆိုးသွားဟန်နှင့် ဇွန်းကိုချပြီး တစ်ဖက်လှည့်သွားတာကြောင့် နေခစား အမြန်ပြန်ချော့ရသည် ။
YOU ARE READING
အမုန်းခ အချစ်ခြွေ < Completed >
Romanceဤဇာတ်လမ်းပါ အကြောင်းအရာများသည် စာရေးသူ၏ စိတ်ကူးသက်သက်သာ ဖြစ်ပါသည် ။ Boy's Love Story Own Creation. M_pregnant Photo crd.