အခန်း ( ၁၈ )
မနက်အိပ်ရာနိုးတော့ မိုးရိပ်သည် သူ့ရင်ခွင်ထဲ၌ တင်းတင်းကျပ်ကျပ် ပွေ့ဖက်ခြင်းခံထားရသည် ။ ထို့ပြင် မိုးရိပ်၏ အပေါ်ပိုင်းက အဝတ်ကင်းမဲ့နေပြီး နှစ်ယောက်လုံး၏ ခန္ဓာကိုယ်က ထိကပ်နေသည်မှာ ကြားလေတိုး၍ မရလောက်သည်ထိ ။ မနေ့ညက အဖြစ်အပျက်ကို ပြန်တွေးမိတော့ မိုးရိပ် ရှက်ပြုံးပြုံးမိသည် ။ နေခစား၏ မျက်နှာချောချောကို ငေးမော့ကြည့်ရင်း မိုးရိပ် ရင်ခုန်သံတွေက စည်းချက်ကျစွာ ခုန်ပေါက်နေ၏ ။
မိုးရိပ် အတိတ်မေ့နေသည့်တိုင်အောင် နေခစားအပေါ်ထားသည့် ခံစားချက်တွေက ပျောက်ရှမသွား ။ ပို၍ တိုးလာသည် ။ မိုးရိပ် အတိတ်မေ့သည်ဖြစ်စေ ၊ မမေ့သည်ဖြစ်စေ ၊ သူ့ကို ချစ်မြဲ ချစ်ဆဲ ပဲ ဆိုတာ သူ သိအောင် တစ်နေ့တော့ ဝန်ခံပါဦးမည် ။
"မိုးရိပ်လေး "
ထိုစဉ် နေခစားက နိုးလာပြီး မိုးရိပ်၏ ပါးလေးကို နမ်းရှိုက်သည် ။ ထိုမှ တဆင့် မျက်နှာအနှံ့ အနမ်းတွေ ဖြန့်ကျက်ပြန်တော့ မိုးရိပ် သူ့ရင်ဘတ်ကျယ်ကြီးကို လက်ဖြင့် တွန်းရင်း တားရပြန်သည် ။
"မင်း အလုပ်သွားရမယ်လေ"
"အာ...ဟုတ်သား "
နေခစားက ယခုမှ သတိရသွားဟန်နှင့် ပြုံးပြီး မိုးရိပ်၏ နှုတ်ခမ်းလေးကို ပြွတ်ခနဲ နမ်းရှိုက်လိုက်သေး၏ ။ ပြီးမှ ကုတင်ပေါ်က ဆင်းကာ ရေချိုးခန်းထဲ ဝင်သွား၏ ။
မိုးရိပ်လည်း မြန်မြန် ထ၍ သူ မနေ့ ညက ပစ်ချထားသော တီရှပ်ကို ကောက်ယူဝတ်ရ၏ ။
မနက်စာအတွက် မနေ့က ကျန်သော ထမင်းကြမ်းကို ကြက်ဥနှင့် ရောကြော်ပြီး ကော်ဖီနှစ်ခွက်ဖျော်ထားလိုက်သည် ။
"ဒါနဲ့ မင်း ဘယ်မှာအလုပ်လုပ်မှာလဲ "
နှစ်ယောက်အတူ မနက်စာစားနေရင်း မိုးရိပ် သူ့ကို မေးလိုက်သည် ။ မနေ့က အေးဆေးစကားပြောဖို့ အချိန် မရခဲ့တာကြောင့် ယခုမှ မေးဖြစ်၏ ။
"ကိုယ် ဆိပ်ကမ်းမှာပဲ ၊ စာရင်းမှတ်ရမှာ "
သူပါ ဝင်လုပ်ရမည်ဆိုတာကိုတော့ နေခစားက မိုးရိပ်ကို မပြောတော့ပါ ။
YOU ARE READING
အမုန်းခ အချစ်ခြွေ < Completed >
Romanceဤဇာတ်လမ်းပါ အကြောင်းအရာများသည် စာရေးသူ၏ စိတ်ကူးသက်သက်သာ ဖြစ်ပါသည် ။ Boy's Love Story Own Creation. M_pregnant Photo crd.
