အခန်း ( ၁၂ )
မိုးရိပ်သည် နေခစား၏ ကားပေါ်မှ ဆင်းခဲ့ပြီးနောက် ခြေဦးတည့်ရာလျှောက်သွားနေခဲ့သည် ။ နောက်ဆုံး နေဝင်တော့မှ အိမ်ကို ပြန်ရောက်ခဲ့၏။
" ဟော သား...ပြန်ရောက်ပြီပဲ ။ ဒီနေ့ အဆင်ပြေခဲ့ရဲ့လား"
"ဟုတ်ကဲ့...မေမေ ။ သား ခဏနားလိုက်ဦးမယ် ။ ခေါင်းနည်းနည်းမူးလို့"
"အေး..အေး ။ ဆေးသောက်ဦးမလား "
"ဟင့်အင်း ။ ခဏအိပ်လိုက်ရင် သက်သာသွားမှာပါ"
"အေး...ဒါဆိုလည်း နားလိုက်ဦးလေ"
မိုးရိပ် အခန်းထဲရောက်တော့မှ ထိန်းထားသည့် စိတ်ကို လျော့ချလိုက်သည် ။ မိုးရိပ်၏ ပထမဆုံး အနမ်းကိုလည်း နေခစားက ယူခဲ့ပြီး ယခုလည်း အတင်းအကြပ် နမ်းရှိုက်ခဲ့ပြန်သည် ။ မိုးရိပ် ခဏတော့ ရင်ခုန်မိပေမယ့် စက္ကန့်အနည်းငယ်မျှသာ ၊ နေခစား၏ ဇွတ်တရွတ်ဆန်သည့် အပြုအမှုက မိုးရိပ်ကို စိတ်အနှောင့်အယှက်ဖြစ်စေသည် ။
နေခစားက မိုးရိပ်ကို ချစ်တယ်တဲ့လား ။ မိုးရိပ် ဘယ်လိုမှ မယုံကြည်နိုင် ၊ မိုးရိပ်အပေါ် အထင်အမြင်သေးသည့် အသုံးအနှုန်းတွေ ယခုချိန်ထိ ပါးစပ်ကမချသည့်အပြင် အလိုမတူဘဲ အတင်းအကြပ် စော်ကားသည့် အပြုအမှုတွေက ချစ်တာတဲ့လား ။ မိုးရိပ်သည် နေခစား၏ အချစ်ကို မယုံကြည်နိုင်သလို သူ့ကိုလည်း မုန်းတီး နာကြည်းမိသည်။
သူ့အနမ်းတွေကို ပြန်တွေးမိသွားတော့ ရင်ခုန်သံမြန်လာရသည်။ဒါ ဘာကြောင့်လဲ ။ မိုးရိပ် သူ့ကို သိပ်မုန်းတယ်လေ ။
အချစ် နှင့် အမုန်း၏ လွန်ဆွဲမှုကြားမှာ နှလုံးသားတစ်စုံက ယောက်ယက်ခက်လို့ နေခဲ့သည် ။
****
ဦးမင်းမြတ်သည် အလုပ်ပိတ်ရက်၌ နေလေးနှင့် ချိန်းထားတာမို့ စောင့်နေတုန်း တံခါးဘဲလ်တီးသံ ကြားလိုက်ရသည်။ တံခါးဖွင့်လိုက်တော့ နေလေး ရောက်နေသည်။
"လာ....နေလေး ။ မင်းကို မျှော်နေတာ "
"ဟုတ်ကဲ့...လေးလေး "
"ဘာသောက်ဦးမလဲ ။ ကော်ဖီလား ၊ အအေးလား"
"ကျွန်တော် မသောက်တော့ပါဘူး လေးလေး ။ လေးလေး ကျွန်တော့်ကို ပြောစရာရှိတယ်ဆို"
YOU ARE READING
အမုန်းခ အချစ်ခြွေ < Completed >
Romanceဤဇာတ်လမ်းပါ အကြောင်းအရာများသည် စာရေးသူ၏ စိတ်ကူးသက်သက်သာ ဖြစ်ပါသည် ။ Boy's Love Story Own Creation. M_pregnant Photo crd.