Unicode Ver
"ဒါနဲ့ ချွဲဆူဘင်းရှီက ကျွန်တော့်ကို ဘာလို့?"
ထယ်ဟွန်းနံဘေးရှိ ထိုင်ခုံအလွတ်မှာ ခပ်ချောချောသူက ထိုင်လိုက်ပြီး စကားစသည်
"ကျွန်တော်က စုံထောက်ပါ"
သရေသား အညိုရောင်ပိုက်ဆံအိတ်မှ လိပ်စာကတ်တစ်ကတ်ကို ထုတ်ပြီးမိတ်ဆက်လိုက်တော့ ထိုသူကလည်း လိပ်စာကတ်တစ်ကတ်ကို ကမ်းပေးသည်
'စိတ်ရောဂါကု ချွဲဘောမ်ဂယူ'
ဖျော့တော့တော့ ပိုးသတ်ဆေးနံ့ကြောင့် မှန်းဆထားသည့်အတိုင်း ချွဲဘောမ်ဂယူသည် ဆရာဝန်တစ်ယောက်ဖြစ်နေခဲ့သည်
"ဆူဘင်းရှီကို စုံထောက်ဖြစ်မယ်လို့ မထင်ထားခဲ့ဘူး"
"ကျွန်တော်လည်း ချွဲဘောမ်ဂယူရှီက ဆရာဝန်တစ်ယောက်ဖြစ်နေလိမ့်မယ်လို့ ထင်မထားဘူး"
"ဆံပင်ရှည်နဲ့ လေလွင့်ဂျလေဘီလို့ ထင်ထားတာလား?"
"အာ အဲ့လိုသဘောပြောတာမဟုတ်ဘူးလေ"
အကျပ်ရိုက်သွားပုံပေါ်သည့် ဆူဘင်းကြောင့် ဘောမ်ဂယူက တဟားဟားရယ်မောသည်
"နောက်တာပါ..
အခု ကျွန်တော့်ကို တွေ့ချင်တဲ့ ကိစ္စက?"
"ထွေထွေထူးထူး မဟုတ်ပါဘူး
နည်းနည်းလေး မေးစရာရှိလို့ပါ"
"အင်း မေးကြည့်လေ"
"ပျောက်ဆုံးသွားတဲ့ ဟျူးနင်းခါအီကိုသိတယ်မလား?"
ဘောမ်ဂယူက သက်ပြင်းသဲ့သဲ့ကိုချသည်
"သိပ်သိတာပေါ့ဗျ
ကျွန်တော့်ညီလေးရဲ့ သူငယ်ချင်းပဲကို"
"ဟျူးနင်းခါအီ ပျောက်ဆုံးမှုနဲ့ပတ်သတ်ပြီး ကျွန်တော်မေးမြန်းတာကို အမှန်အတိုင်းဖြေပေးနိုင်မလား ခင်ဗျ"
"သေချာတာပေါ့"
"ဒါဆို စက်တင်ဘာလ ၁၇ ရက်နေ့ ညနေ ၅ နာရီ မှာချွဲဘောမ်ဂယူရှီ ဘာလုပ်နေပါသလဲ?"
"အင်......
စက်တင်ဘာ ၁၇ ဆို ဟိုသောကြာနေ့လား? ဟွန်း"
နံဘေးမှာ ထိုင်နေသည့် ထယ်ဟွန်းကို ထိုသူက တစ်ချက်လှည့်ကြည့်ရင်း မေးသည်
YOU ARE READING
𝚂𝚒𝚗𝚐𝚞𝚕𝚊𝚛𝚒𝚝𝚢 (𝒞ℴ𝓂𝓅𝓁ℯ𝓉ℯ𝒹 )
Fanfiction'ချစ်ခြင်း' ဆိုတဲ့ ချို့ယွင်းချက်ကိုသာ ရှာမတွေ့ခဲ့ရင် ကိုယ့်ဘဝက ကိုယ်ဖြစ်ချင်သမျှနဲ့ဘဲ ပြည့်စုံနေခဲ့မှာ ခံစားချက်တွေပေါက်ဖွားရာက ကိုယ့် အားနည်းချက်ဖြစ်လာမယ်ဆိုတာ သိခဲ့ရင် "မင်း" ကို မပိုင်ဆိုင်ချင်ခဲ့လောက်ဘူး ညီ.... ...
