Unicode ver
"အကို"
"အ"
ဘာရယ်မဟုတ်လက်ကောက်ဝတ်တစ်ဖက်ကိုဆွဲကိုင်လိုက်သည့်အခါ ညည်းသံတစ်ချက်နဲ့အတူတွန့်ချိုးသွားပါသောမျက်ခုံးတန်းတွေ...
"အကို ဘယ်နားနာလို့လဲဟင်"
မှေးမှိန်စွာပြုံးပြသည့်အကိုက လက်ကောက်ဝတ်ကိုဆုပ်ကိုင်ထားတဲ့ လက်တစ်ဖက်ကို ခပ်ဖြည်းဖြည်းဖယ်ချနေပါ၏
"အကိုဘာမှမဖြစ်ဘူးနော်"
ဦးခေါင်းလေးကိုခပ်ဖွဖွပုတ်ပေးသည့်လက်တစ်ဖက်က ဒီနေ့မှပိုပြီးအားအင်ချိနဲ့နေသလို..
"ဟွန်းတောင်းပန်တယ်နော်"
ဘာမှမလုပ်ပေးနိုင်တဲ့အပြစ်တင်စိတ်ကြောင့် နှုတ်ခမ်းတွေကိုတင်းတင်းဖိကိုက်ပစ်ပြီးတောင်းပန်စကားဆိုသည့်အခါ အကိုကခပ်ရေးရေးလေး ရယ်မောသည်
"ဟွန်းအပြစ်မှမဟုတ်တာ
ဘာလို့တောင်းပန်နေတာလဲ ဟွန်းရဲ့"
"ဒါပေမယ့်... ဟွန်း...သိရဲ့သားနဲ့....ဟွန်း...အကို့ကို..."
မျက်ရည်ဥလေးတွေတစ်စက်ချင်းကျလာသည်ကိုတွေ့ရတော့ အေးစက်နေတဲ့ရင်ဘတ်ထဲအနွေးဓာတ်ကလေးပဲရလိုက်သလို...
တစ်ခါမှမရခဲ့ဖူးတဲ့မေတ္တာတွေက Daniel အတွက်တော့ အဖိုးမဖြတ်နိုင်တဲ့ရတနာတစ်ခုလိုပဲ...
"ဟွန်းမှ မတတ်နိုင်ခဲ့တာ
မငိုရဘူးနော် တိတ်တိတ်"
ပါးပြင်ထက်လက်ချောင်းသွယ်လေးတွေ တယုတယကျရောက်လာတော့ လစ်ဟနေသောအင်္ကျီလက်ရှည်၏နေရာလပ်ကြား မြင်နေရပါသော လက်ကောက်ဝတ်ကသွေးစိုနေတဲ့ပတ်တီးစအချို့ကိုစီးပတ်ထားလေ၏
ဘာမှမတတ်နိုင်ခဲ့တာလား?
တကယ်ပဲ ဘာမှမလုပ်နိုင်ခဲ့တာလား?
ဟုတ်တယ်
ကျွန်တော်ဘာမှမလုပ်နိုင်ခဲ့ဘူး
ဘေးလူတစ်ယောက်လိုရပ်ကြည့်နေရုံကလွဲပြီးဘာမှမတတ်နိုင်ခဲ့ဘူးလေ
မဟုတ်ဘူး
လုပ်နိုင်တယ် မလုပ်ခဲ့တာ
ဘာလို့လဲဆို ဂန်ထယ်ဟွန်းကသူရဲဘောကြောင်လို့လေ....
.............................................
"Dani..el"
ခြောက်ကပ်တဲ့အသံရှရှက နံဘေးမှာအိပ်နေတဲ့အကို့ကိုခပ်တိုးတိုးခေါ်နေတယ်
أنت تقرأ
𝚂𝚒𝚗𝚐𝚞𝚕𝚊𝚛𝚒𝚝𝚢 (𝒞ℴ𝓂𝓅𝓁ℯ𝓉ℯ𝒹 )
قصص الهواة'ချစ်ခြင်း' ဆိုတဲ့ ချို့ယွင်းချက်ကိုသာ ရှာမတွေ့ခဲ့ရင် ကိုယ့်ဘဝက ကိုယ်ဖြစ်ချင်သမျှနဲ့ဘဲ ပြည့်စုံနေခဲ့မှာ ခံစားချက်တွေပေါက်ဖွားရာက ကိုယ့် အားနည်းချက်ဖြစ်လာမယ်ဆိုတာ သိခဲ့ရင် "မင်း" ကို မပိုင်ဆိုင်ချင်ခဲ့လောက်ဘူး ညီ.... ...
