أبنتي وأخي

البارت السادس

ام ألفضل ( زهراء الحريري)

#أبنتي_وَأخي

البارت السادس

گادنــة الـشوگ ومشينـة ،
سچـة سچـة طفنة الولاية الحزينــة

🥀🥀🥀🥀

جاسر

طلعت من غرفتي وكفت كبال باب غرفة البنات فتحت الباب عله كيف كلمن نايمه عله جربايته عيني راحت عليها نايمه مثل الملاك ام السانين الي يشوفها يكول فقيرة مايدري كل البلاء بيها

سديت الباب ورجعت لغرفتي صليت وبعد مااخذت عيني نوم منظرها مافاركني وزرع الخوف بروحي

ملك

جاي اغسل اماعين الريوك وسمعت صوت وراي درت بس راسي حمزة يريد يروح للدوام لان الجامعات بلشت دوام قبلنه
واكف يم الثلاجه ومدري شيكول بينه وبين نفسه رجعت راسي على حوض الماعين

احاجي بنفس حتى اصير خيرره وياه عوفي كافي انتي هم دستي بمصارينه احم كبرتي هههه وراح تصيرين ام بيت الى متى هل تصرفات الصبيانيه عفيه ملك السباع...

بعدني مامكمله واحس ثلجت من فوك راسي درت والكاه واكف ولازم بيده دولكه الماي الفافون ومبتسم بحقارة

.. ليششش هيييج

حمزة : احمدي ربج اكتفيت بس بماي بارد.. ها وديري بالج بعد تندكين بيه ههههههه

ملك : ضحك المزنجر وطلع والنبي ولااصيرر خيرة وياك اله اكرهك بعيشتك المعطب المزنجر 

ردت اصعد اغير ملابسي لاكاني جاسر يفر بحزامه يريد يطلع وكفت وابتسمت واني اباوع لهيبته رفع راسه من شافني نرسم الخوف بعيونه فتحلي ايده بسرعه ركضتله مثل الطفله وركضت لابوها

جاسر : بنيتي شلونج اليوم خو مايوجعج شي

ملك : لا زينه الحمد لله

جاسر : الحمدلله الحمدلله هاي ليش هيج مبلله

ملك :كاعده بصف الكاونتر وكعت عليه دولكت الماي كانت على الحافه هس اغير

جاسر ; اي بسرعه حتى ماتتمرضين ولاتعبين نفسج ماشي

ملك : مااشي

جاسر : يله انه طالع محتاجه شي اجيبلج وياي من ارجع

ملك : سلامتك.. باس راسي وطلع صعدت بسرعه غيرت ملابسي باوعت لغرفته ابتسمت بخبث ودخلتها