أبنتي وأخي

البارت السابع

أم ألفضل ( زهراء الحريري)

#أبنتي_وَأخي

البارت السابع

يا اخر نفس
وشگد عزيز تصير

🥀🥀🥀🥀🥀🥀🥀🥀

2014/6/10

ملك

مجموعين بالصاله كلنا أسر وجاسر نزلوا قبل أربعة ايام إجازاتهم

عمووو كاعد يكلب بالتلفزيون واحنه كاعدين الي يسولف الي يلعب بتلفونه

نزل جاسر يركض وكال بسرعه

جاسر : حطوه عله العراقيه

دار عموو على قناة العراقيه الي جان رقمها ١٦

طلع رئيس الوزراء نور المالكي بيان يدعوا مجلس النواب لإعلان حالة الطوارئ.. ويعلن حالة التأهب القصوى

جاسر : الموصل سقطت الكل التفتت عله جاسر الي قابض على تلفونه بقوه اتصل على أسر وكاله يحضر نفسه حتى يلتحقون

صعد جاسر واني كلبي ارتعد من الخوف اعزازي اثنينهم راح يرحون للموت برجليهم

مامر على عقدنا غير الاربع تشهر ورأس الشهر زواجنه لان البيت كامل وحتى مأثث رجعت بذاكرتي ليوم العقد

Flashback

.. نعم وأنت وكيلي

بس نطقتها علت هلاهل امي الحجيه وصلاوات خالتي ام جاسر اما البقيه اكتفوا يباوعولي بنظرات الكرهه مااهتميتلها ولااعرتهم اهميه رجعني لمكاني...

كاعده انتظر وكالت امي الحجيه راح يدخل يلبسها الذهب عيوني تشخصت عليه لابس قاط نيلي وقميص ابيض بدون رباط دخل وهو مبتسم عيونه عليه ومليانه حب واعجاب

دنكت راسي وابتسمت غمضت عيوني من من تسلل عطره لرئتي

حسيت بدفو جف ايده الي حضن جف ايدي فتحت عيوني ودرت راسي عليه ابتسم تقرب بأس جبيني وهمس

أسر : مبروك يعمري ملاكي

ملك : ابتسمتله وعيوني حاضنه عيونه جابت اخته موج الذهب فتحته وخلته مقابيلنه باوع عليه وابتسم
اخذ الحلقه باساها ومدلي جف ايده رفعت ايدي اله قبضها وعصرها بقوه ودنك باسها رفع راسه ولبسني الحلقه وهو مبتسم..

جابتلي جنه الحلقه الي اشتريتها اله اخذتها بيدي ودرت عليه انتظرته يمدلي ايده بس هو حركلي حواجبه يتحداني اسوي مثله