أبنتي وأخي

مشهد

💔💔💔💔💔

ملك : خليت ورقة التحليل كدام عيون حمزة واني لازمتها اله حتى يقراها باوع عليها وبهت وجهه ابتسمت تك خد

شنوو حبيبي انصدمت من الفرحه
باوعلي بخزرة
درت على جاسر من كال

جاسر : فرحت شنو فرحونه وياكم

ملك : ابتسمت وكتله راح تصير عم.. فتح عيونه

جاسر : شنووو عم؟

ام جاسر : كلوووووش

ام إبراهيم : اللهم صل على محمد وال محمد

ملك :باوعت على جاسر استغربت منظره رجعت التفت على حمزة شبيكم انصدمتوا اثنينكم... كام حمزة من مكانه

حمزة : ملك لاتلعبين على عصابي هذا التحليل مزور مووو

ملك : وليش مزور حالي حال المزوجات ربك رزقني بطفل ليش ردة فعلكم غريبه.. حجه بدون ماينتبه لنفسه

حمزة : لااااان بيدي جااي انطيج الحبوب ليليه

ملك : شمرت الورقه بالكاع وحاجيته واني خازرته مثل خزرته.. ومنوووو انطااك الحق هيج ااسووي ويااي ليش مااترريد يصيررلك طفل مني هااا كول ليش ساكت واله اسكت اني اكلك

تقدمت عليه وكتله انت تشوفني مو مناسبه حتى اكون ام لأبنك موو انت بهااي فعلتك جاي تسحب حبك من كلبي حمززة

حمزة : وووولج انتي شجااي تخرربطين عباااالج سهلله عليه من انطيج الحبوب حتى امنع احلى احساس بحياتي ينوولد ومن منوو من الي خربطت دكات كلبي بعشكها

ملك : لعددد اذااا هيج ليشش تنطيني حبوووب منع حمل واجذبي عليه.. ماجاوبني بس كال بأمر صارم

حمزة : هسسس نروووح للدكتورره حتى اسقطينه فااهمه مايبقه ولاساعه بحشائج..

💔💔💔💔