أبنتي وأخي

البارت السابع والعشرون

طشت..!
اسنين المحبة
ومن بگاياهن شلم..؟

💔💔💔💔💔

القسم الأول

ملك : حم..

حمزة ; ااادخلي جووة بسررعه

ملك : طفرت من صوته ردت ادخل ولزمني قصي من معصم ايدي باوعت على حمزة الي عيونه نزلت على ادينه نطت عروك وجهه الي احتقن زادت دكات كلبي من خوفي عليه خفت ينضرب بجلطه الثانيه حالته اسوء من ذيج الليله مااعرف شجاني ليش بقيت جامده جاي ااكدله الي شافه

تقدم بسرعه وضرب قصي بقوة على وجهه كومه بالكاع خزرني بقوة طفرت بسرعه دخلت للمطبخ وبقيت اباوع من الشباك احسه تحول لوحش مستحيل هاي القسوة الجاي اشوفها يمتلكها بشر

قصي حتى ايده مايكدر يرفعها حتى يدافع عن نفسه على صوت حمزة العالي الجهال طلعت وراحت تتراكض للشارع رجليه صارت خيوط احس عقلي وكف عن التفكير مااعرف شلون اصرف واني اشوفه موت الولد الي فقد الوعي بين اديه

دخل جاسر يركض ووراى ولد عمامي وعمامي وخوالي ولدهم والحجي اخرهم سادن جسمه على عكازته

جاسر كوه كدر هو وقائد يكومن حمزة من قصي الي احسه مات لان مااكو اي حركة اله وحمزة يقاوم بجاسر ويدفر بقصي برجله

اخر شي كومه جاسر يم قصي من ضربه

جاسر ; وللللك موووته

ملك : بس كال موته حيلي باد ووكعت وبعد ماادري شصار وراي

وعيت على نفسي واني بحضن ماما والاصوات عاليه باوعت النسوان كلها واكفه يم الباب مااعرف على شنو واكو ضوه يلمض مرة احمر ومرة ازرك

كتلها ماما شنو الي صار

انتبهلي وعيت

وفاء : صحيت يروحي ماكو شي

ملك : ماما فدوة كليلي شصار.. التفتت عليه مرت عمي يعقوب وكالت وهي مشمته

ام حازم : ولج كعدتي اكيد مذابحهم هذا من وراى راسج

وفاء : ثمني كلامج اام حاازم بنتي شدخلهاا

ملك : ماما عوفج منها وكليلي شصار

ام حازم : ايا قليلة التربيه

ملك : استغفر الله ماما كليلي شصار

وفاء ما نعرف بس قصي اخذوة للمستشفى وهس الشرطه طلعت