أبنتي وأخي

بارت قصير

إن النعم إذا أهملت لا تدوم..
⁩
🦋🦋🦋🦋🦋🦋

ملك

بقيت صافنه بوجهه هذا شيحجي هااي روح ارتبطت بروحي شلون اقتلها.. اباوعله ملامح وجهه ترجف بقهر وعيونه حمر ونازله على بطني

خليت ايدي على بطني خايفه على الي يسكن بيها .. عجيب احساس الامومه احساس مستحيل يضاهي احساس ثاني عيوني غوشت من الدموع وكتله

شجاي تحجي حمزة هذا ابنا ثمرة حبنه.. صبت دموع عيونه وزادت رجفت ملامح وجهه وكال

حمزة : يله بسرعه حتى نلحك على دكتورة أذبه الج قبل اليل

ملك : أذبه الج! انت شجاي تحجي حمززة  هاااي ررووح.. رروح شنووو اذبه الج باوعت عليه قابض ايده بقوة اخذت نفس وكتله عدنا غرفه ونتفاهم بيه بدون مانزعج البقيه بخلافاتنا

تقدمت وصعدت كدامه حسيت بخطواته السريعه وراي تعداني وفتح الباب ودخل

اخذت نفس اطلب الصبر دخلت وراى يجر بشعره من وراى ويتحرك بعشوائيه دخلت وسديت الباب

هسه صرنا وحدنا كول ليش ماتريد طفل مني لو مااشرفك اكون ام لأبنك

تقدم عليه وكف بصفي وكال

حمزة : من يمتى تلعبين عليه

ملك : عقدت حواجبي بغيض.. العب عليك؟

حمزة : اااي انه انطيج حبوب شلووون حبلتي

ملك : زادت انفاسي بخوف شيقصد كتله وصوتي يرجف.. شقصدك وضح اكثر

حمزة : تنهدت.. قصدي من يمتى توهميني انتي ماتعرفين بالحبوب الي انطيجياها مالت منع حمل

ملك : تقربت عليه حيل ليش جنت تنطينياها هاا

حمزة : ماااريد طفل بعدنا موووكد هيج مسؤولية

ملك : بس مايحقلك تصررف من وحدك ليش ماسئلتني... انت حتى مافكرت وكلت يمكن هاي الحبوب تاثر عليها وتمنعها من الإنجاب للابد.. لا والتكتلك ملتزم الاخ بالوقت

حمزة : اي عادي انه مااريد طفل... خلينا روسنا بارده مااريد الجهال ولغوتها

ملك : لعددد المن ماااخذني حتى تشبع غريزززتك بي.. بسرعه خلا اصبعه على شفتي كال وهو خازرني

حمزة : اشششش كاافي لاتكوولين حررف بعد انه وياج اثنينه مااعدنا لغه حوار ومانعرف نتفاهم بيناتنه وهيج راح واحد يجرح الثاني بكلامه