أبنتي وأخي

تكملت البارت

💔💔💔💔

القسم الثاني

ملك : ضاك النفس بصدري فوك مااني مختنكه كمت من مكاني مااعرف منين اجتني الطاقه بس افكارة بثت الرعب بداخلي نسيت كل الكلام الي كاله وركزة بس على اخذ غيرج

تقدمت عليه بسرعه وحضنته وهو عبالك تكهرب نترني منه بقوة وهو يباوعلي بقرف

لزمت ايده حاول يسحبها مني بس اني بسرعه شددت من قبضتي عليها كتله بترجي مصحوب بصوت خانكته العبرة

حمزة لاتهدم كلشي حلوو بيناتنه بيدك

حمزة : ههههههه ههههاي اكول وخري عني احسلج لان كشت روحي منج

ملك : مد ايده وبعد ايدي من ايده دار  وتقدم حتى يطلع ركضت وصرت مقابيله وكتله يجي يوم وتتندم بس صدك ماراح تلكأ ملك الحبتك لا راح تلكه ملك الي جانت مااطيقك.... ابتسم بستهزاء هزة راسه وطلع

بقيت واكفه بمكاني وحايرة كلبي مهضوم منه وعليه كلامه سمم روحي ليش ماعنده ثقه بيه طلعت من بيتهم واني دافنه كلبي بيه وكفت يم باب بيتنه وصافنه عليه مااعرف شسوي احس عقلي نجنن والشيطان يوسوسلي حتى اكتل روحي واخلص من هذي الدنيا الي دووم بايكة فرحتى تستكثر عليه لراحه درت ومشيت بدون وجهه معينه وبدون هدف تركت رجليه تاخذني المصير مجهول

مااعرف اشكد مشيت واشكد مر عليه وقت حتى ماحسيت بالدنيا من ضلمت مااعرف بشون جنت افكر بس الي اعرف اريد احرر روحي من هذا الجسد....

مهرة

بعد ما سلمت على حمزة وتحمدتله بالسلامه صعدت الغرفتي اخذ علاجي صار يومين من دخلت بشهري

اخذت علاجي وتمددت على جربايتي اريد ظهري ورجليه الي مورمات خابرت جاسر كال ساعه او اقل ونوصلكم

بقيت متمدده بمكاني مااعرف يمتى غفيت واشكد مر وقت طفرت مفزوعه على صوت تكسر وصوت يصرخ بألم

كمت بسرعه لبست شالي وطلعت الصوت جاي من غرفة حمزة

ركضت للباب حاولت افتحه بس ماانفتح مقفول دكيت الباب واني انادي باسمه واني استمع لصوت التكسير وحجيه الي كدرت افهم منه كم كلمه

حمزة : ساا...   كح....  ولج انه تلعبببين علليه بنت الكلب لانعل هيج هيييج من الكو...  الخلفوج

مهرة : كوه كدرت افرزن كم كلمه منه خالتي صعدت وجهه اصفر وهي تسئلني شصاير واني مااعرف شجاوبها بقينه اني وياها ندك بالباب نريده يفتح مااكو