أبنتي وأخي

البارت التاسع عشر

#Zahraa_Alharyry

#أبنتي_وَأخي

البارت التاسع عشر

لا تبكي علي شئ مضى
بل اجعله درسا لك
واعلم أن الضربه التي
لم تقتلك فأنها زادت
منك قوه وصلابه
ولا شئ يجعلك عظيم
الا ألم عظيم
فليس كل سقوط نهايه
فسقوط المطر اجمل بدايه
لإنبات حياه جديده .

منقول✍️
،،،،،،،،،،،،،،،،،،،

جاسر : شلوون وللك

بلعت ريكي بخوف واني اباوعله عبارة عن كتله من الاعصاب مغضب حاجبه وخازر قصي خزرة موت كلت بكلبي راح يفلش المركز على راس الولد

قصي : عفواً منو حضرتك

جاسر : ابوها

عيوني متشخصه عليه وهو خازر قصي الي ضحك من كلمته لان مامصدكه شفت جاسر تقدم بغضب والنيه واضحة بعيونه تلاحكت الموقف..

ملك : احم قصي هذا جاسر يصير ابن عمي

قصي : اهاا العفو ماجنت اعرف تشرفنا

تقدم عليه جر الكرسي من يم قصي بعصبيه وكال وهو كوة لازم اعصابه مبين من صوته

جاسر : بله شنو قصدك بحبيبتي

قصي : العفوا مجرد صياغ بالكلام احم مامقصودة

جاسر : اكول انتبهه للسانك من وجاي لا اصيغه الك من حل وجديد

قصي ضل يبلعم اني درت راسي عليه لان واكف وراى الكرسي وكتله

ملك : جاسر ليش اجيت موكتلك مااريد اشوفك بعد.. ماسمع مني دفع الكرسي وطلعني..

فتح باب السياره تقدم رفعني وكعدني بالصدر طبك الكرسي خلا بالجنطه وصعد سد الباب التفت عليه

جاسر : اي شلونها بنيتي

ملك : مو بنيتك بنت عمك وبس.. وبعدين شنو هل تصرف ماردت احجي منا العالم منو سمحلك اطلعني بعدني مامخلصه جلسه العلاج

جاسر : اها ماجنت اعرف عبالي كملتي كلت ارجعج للبيت

كتفت اديه ودرت على الجامه حتى مايشوف دموعي كتله

ملك : جاسر ليش اجيت؟

جاسر : اشتاقيت لأبنيتي ماحنيتي لبوج

ملك : ابوي اخذته الكبور

جاسر : اهاا هيج صار الحجي.. اي منو هذا المنتف