أم ألفضل
#أبنتي_وَأخي
بارت أضافي 2
ولقد بنيــتُ لـــكِ بين أضلعي منزلاً
عســــى المقــــامُ بالمقيم .. يَليــــقُ♥️
..................
ملك
حلكي تقوس ليجوة اريد اعدله ماكو احس عضلات وجهي نشلت،، العبرة خنكتني شنو ننفصل ليش دائما اول حل عنده الانفصال
دموعي بدت تصب عشره عشره وهو عيونه عليه ماانتبهت لجاسر شنو يحجي وياه،، كتلهم
.. تماام واني الي مايريدني هم مااريده
اباوعله كتم ضحكته وهو يدور وجهه على الجهه الثانيه وجاسر بسرعه التفت عليه عقد حاجبه وكال بتساؤل
جاسر : شنو بويه؟
ماجاوبته سديت الشباك وطلعت يمهم وكفت قريب منهم عيوني على حمزة،،، والنبي اجت عفويه من كتله
ملك : طلكني يحمزة
بس كلت هيج بعد ما كدر يكتم اكثر ضحك بصوت عالي استغربت شنو فرح باوعت على جاسر صافن عليه وفاتح عيونه وحلكة قليل
جاسر : شبيج
ملك : مو اني الي شبيه لو اخوك الي شبيه
تقدم كم خطوه وكف قريب مني وكال
حمزة : وشبيه انه بله؟
ملك : اناني،، مزاجي،، معقد،، مغرور
جاسر : هههههههه منين متعلمتهن هذني ولج
حمزة : من المسلسلات الكاعدات عليهن ٢٤ ساعه لحجيه فسدت اخلاقهن ههههههه
اباوعلهم اثنينهم يضحكون واني النار شابة بكلبي
ملك : بعد ما ابقالكم دقيقه هنا
ردت ادخل وجرني جاسر وهو يضحك
جاسر : اووكفي ولج شبيج تزعلين صايره
ملك : جااااسررر اني مااازعل لو وحده غيررر جاان من زمااان عاافت اخووك لان ابدد مااينجرع
جاسر : اي ادري بيه حنظل.. بس انتي عليمن زعلتي هسه
باوعت على حمزة وجاوبت جاسر
ملك : الي مايريدني مااريده
حمزة : ليش تتبلين عليه انه كايلج مااريدج
أنت تقرأ
أبنتي وأخي
Romanceرواية تتحدث عن فتاة يتيمة الاب قام برعايتها ابن عمها الأكبر فوجدت به الاب الحنون الذي فقدته منذ الصغر..... هل ستلعب الظروف دوراً في تفرقتهما؟؟؟ ام سيبقى رابطهما الطاهر اقوى من تلك الظروف؟؟؟ أبنتي وأخي 🥀🥀🥀🥀...
