أبنتي وأخي

البارت الرابع عشر

أم ألفضل ( زهراء الحريري)

#أبنتي_وَأخي

البارت الرابع عشر

يـجـرحونــي و أرد اشتــاگ
وادري الـصــوج
بيهـم بـس گلـت فــدوا

🥀🥀🥀🥀🥀

ملك

الكل كاعدين على نارر ومحد طايق روحه واعصابهم تلفانه وداخلين بأنذار وجاسر صارله يومين ماراجع للبيت .. والبيت مخبوص بولد عمامي...

اني اتحرك بلاوعي احس روحي صرت مثل الجثه كلما اصفن تجي بالي صورته لو سوالفه وياي مناكرنه بالغرفه كلامه بالليل وهو يتغزل بيه وهو عباله اني نايمه

صعدت الغرفتنه كعدت بالكاع وارتجيت على الجربايه دموعي تحررت من عيوني وشهكاتي علت صارلي يومين عايشه بخوف وقلق عليه خايفه باي لحظه يدخلون وياهم تابوته مااكدر اتخيل حياتي بدونه مااعرف شلون اوصف مشاعري بذيج الايام بس الشي الوحيد الي تاكده منه اني واكعه بحبه

رجعت بذاكرتي قبل يومين قبل حنه جاسر بيوم الساعه ب ١١ تقريباً
اني وجنه واكفين بالمطبخ انساعد بخالتي الي تحضر بالغداء

جاسر وعموو وجدوو كاعدين بالحديقه على الكراسي جاسر مدنك يكتب بكروت الدعوة وجدوو وعموو يملون عليه
امي الحجيه مادتلها ابساط وكاعده يمهم اسبح بسبحتها وتسمعلهم

جاي اغسل بالماعين حتى انطيهم الخالتي تصب بيهن الغداء.. الشباك صاير كدام السنك يعني الي يوكف يم السنك عينه تصير على الحديقه وهاي اني من يجي دوري بغسل الاماعين بكل ماعون اخذلي صفنه على الحديقه..

كملت غسل الاماعين رفعت راسي صارت عيني على الشباك شفت جاسر كام بعصبيه وهو يحجي بالتلفون والي يمه وجوهم انخطفت وكعن الاماعين من ايدي واني صافنه عليهم بدون ماانتبه
اجاني صوت خالتي بغيض وتذمر

ام جاسر : ماتكليلي باالج وين كسرتي الاماعين شمالج ايدج بايده ترى ماصارت يوميه كاسراتلجن وجبه

التفتت عليها وهي تباوعلي بغضب كتلها بارتباك وقلق خاله

ملك : مااعرف شصاير يمهم

ام جاسر : ياهمه؟

عفتها وطلعت بسرعه يمهم بدون مااجاوبها وهيه وجنه وراي وكفت يمهم سمعت جاسر يحجي بغضب

جاسر :قسما بمن انزل القران على صدر محمد اذا صار شي على اخوي اله انبش الكاع وطلعكم وساعتها اخليكم تتمنون امهاتكم ماجابتكم..