أبنتي وأخي

البارت السابع والثلاثون

ام ألفضل (زهراء الحريري)

#أبنتي_وَأخي

البارت السابع والثلاثون

‏لاتنتظر مني شيء عندما أرى أن حزني هيّن وخاطري لايعني لك شيء لاتنتظر أن أبقى معك في اللحظة التي أشعر بها بأن هناك ماهو أهم مني ، لاتظن بأنني سأكون داخل إطار علاقة لاتشعرني بأهميتي ولاقيمتي حتى لو كنت أُحبّ ولو كنت أحمل الكثير من المشاعر".

............ 🕊️🕊️🕊️🕊️...........

ملك
كمت من مكاني واني مقهورة وكلبي مجروح من طلعته السوده وياي صعدت لغرفتنا فتحت الباب ودخلت متمدد بعده يباوع على تلفون مبتسم

اخذت ملابس نوم ودخلت للحمام غيرت ملابسي وطلعت طفيت الضوء وشعلت التيبلام

تمددت وانطيته ظهري وهو بسرعه حظن خصري ودفن راسه بركبتي يشم بيها تجاهلت دكات كلبي الي تنبض له وكتله

.. حمزة بعدد اريد انام

حمزة : هممم بس انه حيل مشتاقلج ماناويه تروين شوكي بخمر شفايفج وترافه جسمج

ملك : كمت من مكاني بسرعه وهو بقه يباوعلي بستغراب.. كتلك اريد انام مديت ايدي ردت اخذ المخده وهو لزمها بسرعه

حمزة : شبيج شسوويتلج انه

ملك : ردت احجي بس بسرعه لزمت لساني وكتله ماااسويت شي.. طفر بسرعه من مكانه وكف كدامي

حمزة : صوووتج ولللج

ملك : ردت اطلع وهو لزم معصم ايدي وجرني عليه

حمزة : شبيج حبيبي سويت شي وازعجتج بيه كليلي

ملك : كلت بداخلي سويت أبشع شي بحقي حرمتني من احساس الامومه بدون علمي.. اخذت نفس وكتله لا ماسويت شي بس اني تعبانه وأريد انام

حمزة : تعالي نامي

ملك : تمددت وتغطيت وهو هم اجه نام بصفي تغطى وياي بسرعه درت للجهه الثانيه تنهد كام بنزعاج وطلع بسرعه من الغرفه واني اطلقت سراح ادموعي كتمت شهكاتي بالمخده مالتي احس اكو غصه لازمتني من بلعومي

مستحيل اسامحك على فعلتك هذي وياي انت استحقرت حبي وماقدرته ااخخخ يااربي ليش ماامكتوبلي افرح بشي السعاده العشتها بهل كم شهر تبخرت وطلعت انتقام عليه نمت واني مكسور كلبي من عزيزه

كعدت الصبح مالكيته موجود كمت من مكاني بتعب دخلت للحمام غسلت وفرشت اسناني غيرت ملابسي وطلعت اول مانزلت صار كبالي نايم بالصاله عله القنفه كلبي عصرني عليه ردت اروحله بس تراجعت عفته ودخلت للمطبخ لكيت خالتي ومهرة دا يحظرن بالريوك