أبنتي وأخي

البارت الثامن والثلاثون

ام ألفضل (زهراء الحريري)

#أبنتي_وَأخي

البارت الثامن والثلاثون
حمزة 🤍

تَمُرُّ الليالي والشُّهورُ ولا أرى،غرامي لها يَزدادُ إلَّا تَمادِيا .

ملك 🤍

أنا التي أُحبُكَ بـ عَجلةٍ دائِماً ، دائماً ..
كما لو أن العالم سـ يَنتهي بعد قليل .

.......... 🦋🦋🦋..........

ملك

رجليه ضلت وحدة تضرب بالثاني كلبي يرعد بخوف وماجه ابالي احد غير.. عزيز روحي وعزيز كلبي جاسر وحمزة

رجليه ماحملني كعدت بالكاع واني مااعرف شسوي خايفه انزل واسمع خبر عنهم احس النفس جاي يأذيني من اخذه لصدري

عيني راحت على الباب من نفتح ودخل حمزة باوع برجاء الغرفه بعدين عينه استقرت عليه مديتله اديه وهو اجاني يركض واخذني الحضنه واني ابجي دفنت راسي بركبته احس الساني ثكيل اريد اسئله على جاسر بس الكلام ضيعته

حمزة : اشششش يرروحي كال جاسر الحكها بسرعه تلكا الحبايب خلسنها

ملك : بس كال اسمه تطمنت هو مابيه شي غمضت عيوني اخذت نفس بسته بركبته وبعدت حاجيته وصوتي يرجف.. حمزة شنو سبب هل صريخ والنبي كلبي اجه يوكف من خوفي عليكم

حمزة : تنهدت وكتلها عهود بنت عمي يعقوب انطتج عمرها.. اباوعلها مثل الجمدت بين اديه وعيونها فتحتهن بصدمه رجفت شفتها وكالت

ملك : شششنوو يعنني

حمزة : اخذتها الصدري ابريها الذمه راحت لربها... لحظات وعلت شهكاتها حضنتها لصدري بقوه وهي مستمرة بالبواجي

بقيت يمها اريد اهديها ماتوقعت هيج راح تبجي عليها دك جهازي وهي بعدها معلكه بركبتي

مديت ايدي وطلعته من جيب بنطروني شفته جاسر فتحت عليه وخليته عله اذاني

جاسر : هاا رحتلها

حمزة : اي ومثل ماكلت لكيتها منهارة بالغرفه

جاسر : استغفر الله وشلونها هسه

حمزة : باوعت عليها وكتله تبجي

جاسر : حمزة لاتخليها تطلع مناعتها ضعيفه رحمه لهلك احبسها بالغرفه لان الحجيه جاية لبيت عمك من سامعه وهس راح ارجعها