ام ألفضل
#أبنتي_وَأخي
بارت أضافي 1
ياطير المحنه هم سمعت بطير
ماهزه الحنين لديرته وعشه
..................
ملك
كاعده على الجربايه مكورة اصابع ايدي ومايله خدي عليهن نفتح الباب عيوني صارت عليه دخل سد الباب برجله وتقدم بدون مايعبرني بنظرة فتح الكنتور اخذ بنطلون وقميص سدا وتوجهه للحمام واني اراقب بيه بالمرايه...
ماطول دقايق وطلع يسد بسحاب بنطلونه فتح الجرار اخذ احزام لبسه كمل ورفع اديه يسد بالدكم مالت القميص وهو يتقدم بتجاهه المرايه وصل للنص وتوقف اخذ عطر عطر جسمه ورجعه،، ورجع يكمل كمت من مكاني وكفت مقابيله نزلت اديه وبديت اني اسدله بيهن كملت عدلت ياخته باوعت عليه يباوعلي ببرود برطمت وعيوني غرغرن بالدموع بلع ريكه مرتبگ
تقدمت عليه اكثر اديه توسدت صدرة وكفوفهن قبضن اكتافه برخاوة رفعت نفسي على اصابع رجليه
وجهي صار بمستوى رقبته،، تفاحه ادم تنزل وتصعد قربت عليه اكثر دفنت وجهي برقبته وبست تفاحة ادم بعدين ناغيت النبض بشفايفي صدرة جوة اديه بدا يرتفع ويهبط بقوة رفع اديه لكتافي قبضهن بقوة رفعت راسي عيوني صارت على عيونه خازرني بقوة سحب شفايفه ليجوة دفعني عنه وتعداني عضيت على شفتي وعيوني جرت دموعهن
رفعت عيوني للمرايه واكف وهو يجر بأنفاسه رفع ايده خلاها على كلبه يحرك بيها بشكل دائري،، ثواني ودار عليه خطف حضن وجهي بكفوف اديه وباسني بقوة.....
بعد كال وعيونه تتنقل بين عيوني وشفايفي
حمزة : هاي غرامة العاصفه الي عصفتي بيها دكات كلبي ياظالمه
كال هيج وطلع بسرعه اخذت نفس ورجعت كعدت على الجربايه يااربي والله تعبت من طناگيرة ترى مصارت هاي لوين اني اضل على هل رنه كل الرياجيل هيج تطنكر على اقل شي لو بس الي عندي مزاجه برتقالي مااعرف قرقوازي
تمددت على الجربايه واني اذكر قبل اسبوع بالمركز شسوه بيه...
(فلاش باك)
اخذنا ملاك اني وحمزة للمركز نلقحها دائما نتاخر بموعد اللقاح واكو بيهن مااخذتهن لان تاخرنا على الموعد بسبب اهمالنا
دخل حمزة لغرفة التحصين واني بقيت بره كاعده على الكرسي انتظرهم مايقبل ادخل وياهم
سرحت واني اذكر سوالفها وحركاتها لو من تخدعنا تسوي نفسها تلعب بكيان ومن نخمل عنها تلكطه بعضه تشوغ روحه المسكين وبس نحاجيها جاسر يگلب البيت على روسنه وهي تتمسكن براسه واني سارحه اجاني صوته الغاضب
VOUS LISEZ
أبنتي وأخي
Roman d'amourرواية تتحدث عن فتاة يتيمة الاب قام برعايتها ابن عمها الأكبر فوجدت به الاب الحنون الذي فقدته منذ الصغر..... هل ستلعب الظروف دوراً في تفرقتهما؟؟؟ ام سيبقى رابطهما الطاهر اقوى من تلك الظروف؟؟؟ أبنتي وأخي 🥀🥀🥀🥀...
