أبنتي وأخي

البارت العاشر

ام ألفضل (زهراء الحريري)

#أبنتي_وَأخي

البارت العاشر

وهـذيـچ انتِ
الخطيـة المارضت تغفـر خطايانة
رمتنـا و حملتنا هموم فــوگ اهمــوم دنيانة

🥀🥀🥀🥀🥀🥀

ملك

انطيت موافقتي وكمت بسرعه حتى ماسمعته.. كعدت بالصاله يم امي الحجيه واداري ادموعي ماريد احد ينتبه اشكد حاولن وياي اليوم اذب الاسود حتى لو بس ساعة العقد بس ماقبلت..

كاعدين ودخلوا كلهم علينه بعد ماودعوا السيد اجه حمزة كعد بصفي خزرته وكتله واني راص على اسناني بغيض

.. كووم من يمي لاعبالك هذا العقد يعنيلي شي ترى بس لخاطر أسر فااهم فلاتاخذ راحتك وياي

حمزة : درت عليها وخزرتها هي انتي لاعبالج انه ميت عله جهرتج وكاتل روحي لابابا هذا كله علمود جاسر وقائد ماردت اكلهم لا بعد مانخوني فاستجني احسلج ماناقصج ترى

ملك : ياربي شلون حظ عليه وين جنت ووين صرت ااخخ ياأسر من كمل درت علي وخزرته

حمزة : بسرعه درت راسي للجهه الثانيه انه بدون شي وشي مدوهن بعيونج النوب تخزريني بيهن

تذكرت صوتها مساع من انطت الموافقه عرفتها تبجي ردت ارفض بس جاسر حذرني بعيونه الظاهر حس عليه تنهدت وكلت بداخلي الله يصبرني الظاهر راح اتعبني حيل وانه شلون عليه خلك طويل..

ملك : لليل صعدت الغرفتي انام اول ماخليت راسي على المخده بدت دموعي تصب مااعرف يمتى غفيت...

فتحت عيوني لكيت نفسي بحديقه بقيت اتلفت بيها واني مبهورة بجماليتها التفتت شفت اكو شخص مرتجي على شجرة وناطيني ظهرة لابس زي عسكري احسه يلمع

تقدمت ناحيته بخطوات بطيئه من وصلت رفع راسه وكال

أسر : ملاكي وأخيراً اجيتي

ملك : حسيت الفرح استوطن روحي واحتل كلبي كعدت مقابيله جان لازم عصه يرسم بيها على الكاع ونسمات الهواء تراقص بخصلات شعره البني

باوعت على عيونه الي اعشقهم نفس اللمعه ابتسمت وكتله أسيري هذه انت

أسر : اي يعمري

ملك : ابتسمت بحزن وكتله اشتاقيتلك ليش طولت عليه.. مدد ايده البارده اداعب خدي ابتسم وكال

أسر : انه دائما قريب منج وادعيلج ملاكي

ملك : خليت ايدي على ايده البارده وكتله بعد لاتعوفني ابتسم وكال