أبنتي وأخي

البارت الثامن عشر

أم ألفضل

#أبنتي_وَأخي

البارت الثامن عشر
" أنا وأنت مثل الحادي والثلاثين من ديسمبر والأول من يناير قريبون جداً ولكن بيننا عام "

الدكتور : وضعها موسف وصعب بس مو مستحيل عمليتها فشلت بنسبة ١٩ بالميه

غيث : والحل دكتور تحتاج عمليه ثانيه؟

الدكتور :لاا
اول شي نجرب بروتوكول العلاج الطبيعي المكثف لمدة سبعة اشهر اذا مالقينه استجابه راح نضطر نقوم بعمليه جراحيه

بس خلوا ابالكم نسبة نجاح العمليه يكون ٢٥ بالميه يعني اذا فشلت راح تبقى على الكرسي طول حياتها

انتفض كلبي من الخوف مو سهله عليه ابقى طول العمر على كرسي واحتاج مساعده غيري باقل شي.. كاله غيث وصوته بيه رجفت خوف

غيث : اسفرها للخارج؟

الدكتور : نفس الكلام الي كتلك بيه راح يعيدونه عليك.. وبعد بكيفكم اذا قررتوا تعالجونها هنا خلي استاذ قصي من باجر يبلش وياها العلاج الطبيعي راح يكون على طول ايام الاسبوع مدة ست ساعات يومين لتحفيز العضلات وانتاج خلايا جديده تعيد تنظيم نفسها وهم يزيد عدد الموصلات لعصبيه 

اني راح اكتبلكم كورس علاج مكثف واستاذ قصي يشرف على تطبيقه

وكل شهر ترجعها الي اشوف مدا استجابتها للعلاج بالاضافة الى بعض الادويه والمسكنات...

اخذني غيث وطلعنا قبل لانصعد للسياره كاله قصي

قصي : حجيه مضبوط ترى حتى لو سفرتها راح يحجولك نفس كلامه ولاتنسى هذا الدكتور من نخبة الأطباء العدنه وياما عالج حالات اصعب من حالتها

خلي نبدي وياها العلاج الطبيعي واذا مافاد نسفرها

غيث : هذا هو من باجر اجيبها للمركز

قصي : مو بس المركز حتى بالبيت وراح اجيب جهاز من اجهزة التحفيز اخليه بستقبالكم حتى ماتتعب

غيث : تسلم بعد اخوك راح نتعبك ويانه

باوع عليه وكال

قصي : تعبكم راحه يله انه رايح للمركز الساعه راح تصير ب٩ هم يله الحك

ودعنا وراح واحنه هم رحنا للمول حساني هم بقى يم السيارة ينتظرنا واحنه دخلنا للمول اني كاعده على الكرسي وغيث يدفعه

اخذت كل الملابس الي احتاجها بدون مااقيسها لان اعرف قياسي بعدين خله البنيه الموجوده بالمول تساعدين ببقية احتياجاتي وهو واكف على صفحه كملت كلشي اتصل على حساني اجه ياخذ الاكياس واحنه وراى طلعنا