أبنتي وأخي

مشهد

كاعد على الكرسي نفس الكعده بس المشاعر تختلف الون يختلف قبل بفرحه هسه بحزن دموعي صبت السيد يحجي واني راح بالي لذاك اليوم اسعد يوم بحياتي صار كدام عيوني مثل الشريط

اتذكر فرحته وضحكته اضحك واني ابجي ااخخ يروحي مااجه ابالي بيوم راح يرتبط اسمي بغير اسمك..
سمعت السيد كال
ملك يوسف جلود هل تقبلين الزواج من حمزة ابراهيم جلود فان قبلتي قولي نعم وانت وكيلي

نفس العبارة بس الاسم الي بعد اسمي يختلف ردت اكول لا بس تذكرت طلب حبيبي ماريد اكسر بيه طلعت شهكه قبل صوتي الباكي

نعم وانت وكيلي

.....................

حمزة : واكف بطولها على الجربايه اجيها من هاي الجهه تنزل من الجهه الثانيه شلعت كلبي وكفت تخوصرت وكتلها بس اريد استفزها وتجي حتى الزمها

افاا وانه اكول تربية جاسر وماتخاف طلعتي جبانه وشارده مني هههههاههي..

عكدت حاجبها واجت وكفت بجهتي وهي بعدها عله الجربايه لوت طولها وتخصرت بيد وحده وهي تاشر بالثانيه وانه رافع راسي اباوعلها

مااعرف شتحجي بس صافن عله شفايفها الي تتحرك مديت اديه حاوطتها من خصرها ونزلتها

شعرها غطاء وجهي وهي مدنكه راسها عليه متفاجئه بحركتي.. صارت بمستواي عيوني تتنقل بين عيونها الفاتحتهن على وسعهن مو هن عايزات وهيج فاتحتهن

كتله اجنتي تكولين ماسمعتج.. ارتبكت وضلت تبلل بشفتها باللسانها وهي تحاول تبعد عيونها من عيوني دكات كلبها احسهن بجهة صدري اليمنى

ملك : نزلني حمزة

حمزة : ليش؟ رفعت ايدي لميت شعرها وخليته عله جهه وحده اباوع على عله ركبتها عبالك مصبوبه صبابه هم يجي يوم واطبع اثاري عليها رفعت عيني لعينها الي صافنه بيه

قربت وجهي عليها بهدوء وهي غمضت اعيونها غمضت عيوني شفايفي طخت بشفايفها انفاسنه الحارة اختلطت نزلتها بسرعه ودرت وجهي وانه التقط بنفاسي طلعت بسرعه بدون ماانطق حرف

..............

🌹🌹🌹