أبنتي وأخي

تكملت البارت

🕊️🕊️🕊️🕊️🕊️

أطيني مـوعد وآنه أقـدس كل ثواني بساعتك

🕊️🕊️🕊️🕊️🕊️

القسم الثاني

ملك

كعدت الصبح مااعرف البارحه يمتى نمت شفت الساعه بعد وقت والتلفون قليل شحنه كمت خليته على الشحن وطلعت اغسل

لكيت غيث واكف كدامي يغسل بقيت انتظرة واني اغفي كمل وسوالي مجال تقدمت فرشة اسناني وغسلت وجهي ودخلت وراى

غيث : هههههه اليوم كوة فاتحه عيونج والبارحه ليش ماتعشيتي

ملك : لان اقرأ امتحان مالحكت

غيث : رويحتى موزين عليج لازم تتغذين انتي حتى حليب ماجاي تشربين الصبح ولامتبعه النظام الغذائي الكالج بيه الدكتور

ملك : مااحب الحليب والنظام بين يوم ويوم جاي اطبقه

غيث : هههههه والله مااعرف شكلج ام السان شنو اليوم هم حمزة يوصلج

ملك : احم ايي لان بعيده وتصير عليك فرة اني وحمزة نفس المكان عادي هو يوصلني

غيث : تمام براحتج

ملك : رحت ولبست ملابس الدوام رتبت وجهي بمكياج خفيف اخذت اغراضي وطلعت

وكفت يم السيارة بين مايطلع واني اراجع بالملزمه عبالك بعدني طالبه مدرسه انفتح الباب رفعت راسي عبالي هو بس طلع جاسر وهو يعدل بملابسه العسكريه واكو جنطه هم بيده الظاهر رايح لغير محافظه

باوع عليه بعدين وجهه عيونه على سيارته وتقدم قبل لايصعد كتله

.. جاسرر

ماحاجني ولاالتفت عليه صعد بسيارته وراح وانه عيوني بعدهي وراى

حمزة : كتلج اله اخليه يجيج يركض ويصالحج

ملك : درت عليه واني مبرطمه يمتى

حمزة : بس خلي برجع من بغداد والج الصافي يله اصعدي

ملك : هزيت راسي وصعدت بقيت راجع طول الطريق ماسئلته يمتى سد التلفون البارحه اجلتها للرجعه اسئله.. وصلنا للجامعه ومثل كل مرة دخلت قبله اخذنا محاضرات وثالث محاضرة امتحنونا..

.. بالرجعه اباوع على الطريق انتبهت عليه من كال

حمزة : اكول رجعتولهم الرفض اخوالج لو بعدكم