أبنتي وأخي

✨✨✨

مـد بينـا الحـزن روحـة إعلى مد الشـوف

💔💔💔💔💔

ملك

دمعت عيوني ونهضمت من كعدتهم سوه وهم زاد هضمتي كلامه المتقصده.. كتله والعبرة خانكتني ودموعي معلكه برمشي

اسفه دكتور ومشيت بسرعه كبل لايحجي رجعت القاعتي كعدت على الاستيج كتفت ايديه على الاستيج ودنكت راسي عليهن ابجي بهدوء محد حاس عليه بعدني على وضعي وسمعت صوته

حمزة : السلام عليكم

ملك : ردوا عليه السلام واني رفعت راسي اجت عينه بعيني دارها بسرعه وحاجه ممثل القاعه...

كمت بسرعه من مكاني اخذت جنطتي وملازمي وطلعت

انتي الي بعت مو اني يااحمززة

حمزة : ملك... ملك

ملك : عبالي جاي اتخيل بس من اجاني صوته مرة ثانيه تاكدت هو درت لكيته وراي كال وهو يباوع للطلاب

حمزة : جاسر طلب مني اوصلج لان راح ويه مرته عدها ولاده

ملك : فرحت بالخبر مامصدكه راح اشوف ابن جاسر واحمله بين اديه دعيت ربي تكوم مهرة وابنها بسلامه ويقر عين جاسر بيهم يستاهل الغالي...

صافنه واني مبتسمه تحركت ايدي كدام عيوني نسيته.. باوعت عليه بعد واكف

حمزة : وين صفنتي سمعتي شكتلج

ملك : درت وكتله راح اخابر غيث ماكو داعي ازحم نفسك اول ماخطيت انجريت من ايدي واخذني وراى سحل والطلاب كلها تباوع علينه اكيد خلوا علينه علامات استفهام بروسهم

وصلنا يم سيارته فتح الباب ودخلني ودار صعد وسد بابه كتله واني راصه على اسناني

شبيك شهل تصرف هس شيكولون عليه الطلاب دار عليه وخزرني بغضب

حمزة : شنوووو خايفه يرخص سوكج عدهم

ملك : كااافي عاااد مووو شفتني ساكته كمت بكيفك تألف عليه بالي يعجبك كاااافي
دار راسه عليه

حمزة : صوووتج لااا اكصلج لساانج ولحمزة

ملك : ومنوووو حضرررتك

حمزة : منو حضرتي مووو تصبريلي وهس اعلمج منو حظرتي

ملك : ساق بسرعه جنونيه وهو قابض على الاستيرن خفت ندعم احد لو نسوي حادث بقيت ساكت وبس اقرا ايات بكلبي  نوصل سلامات