أبنتي وأخي

البارت الثامن

ام ألفضل ( زهراء الحريري)

#أبنتي_وَأخي

البارت الثامن

هذا عمـري مكالب اويه الضيم
ما مــر الضحج مـرة اعله سني

لـ عريان السيد خلف

🥀🥀🥀🥀🥀🥀
جاسر

باوعت على امي الحجيه حاجيتها بصوت مهزوز

.. يمه شنووو ماكوو هلهوله تلاكين بيها عريسنه الشهيد..
بس سكتت اعتلت الهلاهل الي مخلوطه بصراخ المحبين..

عيوني صارت على عيونها الي تمطر بغزاره ومصدومه كتلها وانه مختنك وكوه تطلع الكلمه تشخط بلعومي

.. يله ابنيتي تعالي ودعي عريسج..

ارتدت ليورا وتهز براسه بالرفض مثل الي مجذبتني دارت بسرعه رادت تدخل.. صحت عليها

.. ملللك ترررى بعدد مااصحلج فررصه اشووفينه

بقت جامده بمكانها ومطيتني ظهرها كلت بصوت..

ابنيتي يله عريسج منتظرج لاخر مرة ودعيه... دارت وعيونها حمر مثل الدم  عيونها نزلت على التابوت رجفت شفتها ووجهه بهت

كتلهم كوموا عنا خلي عروسته تجي تودعه
محد سمع مني الكل حاضن التابوت ويصرخ

تقدمت وبعدتهم واحد واحد وانه اصيح عليهم
بعدوو كلهم ماعدا حمزة الي ماكدرت اشلعه من التابوت عفته ...

رفعه راسي الها وكلت يله..
هي من شافتهم ابتعدوا صررخة بااسمه واجته مثل الطير وطاحت عله تابوته وتصرخ بأسمه

ملك : اااسرر كوووم فددوة كوم وكول جااي اشااقه ويااج.. يله حبيبي كوم حتى انعيش بعشنا مووهيج اتفقنا... أسيري يروحي يله كوووم وللللك اااسررر موووهيج كلناااا
وللك كوووم والله محضرررة نفسسي... ولك عكبة حنتنه شلووون تجينيي محنه بدمك..ولك ليش هيح بدال ماتجيني بالقاط جايني بالچفن فدووة اروحلك يله كوووم يرووحي لاتفجعني بيك موحمل فراكك اني ااخخخخ ياايمه ولللج يمه الحكيلللي.. اااااسرر

جاسر : كعدت وراها وهي تحاجيه وتصرخ روحها فرفحت

بالي بس وياها فصلت عن الكل خليت ايدي على راسها وانه ابجي مااعرف على بنت روحي الي مسلطنه وعروس
لووو على ابن عمي العريس
التفتت عليه وتحجي بدون وعي وحرركه كلب 

ملك : هو مو يسمعلك حاجيه كله خلي يكوووم ولايكسر فرحتنه

جاسر : حاجيتها وانه مختنك.. يرروحي باركيله الشهاده
ضربت ايدي بقوة من على راسها وبعدتها وهي تصرخ