أبنتي وأخي

البارت الثلاثون

أم ألفضل ألفضل ( زهراء الحريري)

#أبنتي_وَأخي

البارت الثلاثون

انه ولا كـول عنك غـير معـذور
ولــو ماظل عــذر للـروح ينكال

🕊️🕊️🕊️🕊️🕊️🕊️

حمزة
فتحت عيوني من سمعت

.... مالكم مرة عدنا بت عمي الي وماتروح لغيري

التفتت بسرعه عله مصدر الصوت شفت واحد واكف بالباب ولازم سلاحه

عله الفرحه السكنت كلبي تمنيت اكوم وابوسه براسه اخذت نفس وانه شارك الحلك اريد اضم ضحكتي بس حلكي نشل قائد يباوعلي ويعضلي بشفته

الاصوات ضجت بالديوان وجاسر عينه على الولد الي يباوع لجاسر ويرجع يباوع على الموجودين عرفته هذا تدبير جاسر

ابوها يتعذر من الموجودين ويخزر بالولد ويكلهم لاتاخذون بحجيه.. جاسر كام من مكانه وكال

جاسر : ابن عمها وأوله بيها احنه جربنه حظنا بس الظاهر مالنا قسمه يمكم

بس كال هيج كاموا ابوي والحجي مايدين كلامه واني بسرعه طفرت من مكاني
مامصدك خلصت

طلعوا الحجي وابوي وجاسر وراهم وقائد
وابوها يتعذر منه طلعنا السياراتنه وانه عيوني عليها مااعرف شسوي حتى اداوي الجرح الي خلفته بكلبه بسبب تسرعي وعصبيتي

ملك

صعدت بسيارة جاسر واجذب اذا اكول ماكو فرح بكلبي لا اكو لسه كلبي يآذين من دخلت وشفتها كاعده بمكان كان المفروض اني كاعده بيه لولا كلام حمزة وتجريحه الي

جاسر اول ماحرك السيارة باوعلي بالمرايا الاماميه وكال

جاسر : تحملت ذنب الابنيه وخربت قسمتها الخاطرج انتي وبس.. الحزن الي بعيونج هو الي جبرني اكطع بنصيب البت

باوعتله بستغراب مااعرف شنو يقصد فهم نظراتي تنهد وكال

جاسر : لاتحيرين انه الي دبرت ابن عمها واتفقت وياه ينهى عليها بالوقت الي ادزله رساله تدرين ردت اتراجع بس الحزن الي شفته بعيونج اول ماجينه ونظرات التوسل عد ذاك التفر هي الي خلتني اسوي هيج واتحمل ذنبها واكسر فرحتها

ملك : ماكان اله داعي تتحمل هيج ذنب وتكطع قسمة بنت اني ماهامني ولاراح يجي يوم وارجع لاخوك كتلك ذاك اليوم طريقي مستحيل يلتقي بطريقه