أبنتي وأخي

البارت الثالث والثلاثون

أم ألفضل (زهراء الحريري)

#أبنتي_وَأخي

البارت الثالث والثلاثون

إلچم جرحك
إشما طاب تدري اشما تزيد الآخ
تكبر هيبة العطّاب

.............. 🦋🦋🦋..............

حمزة

غمضت عيوني اخذت نفس من عطرها وبعدت عن وجها لزمت اديها بين اديه ودنكت راسي وبستهن بمكان النبض

درت وجها عليه.. باوعت بعيونها وكتلها

.. وحك عيونج العشكهن ماجنت قاصد حرف من الكلام ذاك
ملك خلي روحج بمكاني وانتي راح تنطيني الحك عله ردة فعلي ذيج الساعه

ماحجت بس اعيونها اترجم المعاناة الي سببتها الها

مديت ايدي ومسحت دموع عيونها.. اششش من رحتلج فدوة انه تدرين هسه يله اقتنعت بكلام أسر من كال انتي بس السان ومن الداخل هشه محد عرفج غيره وغير جاسر
انه عرفت هل شي متأخر وحيل هم

بجت ودنكت راسها بين اجفوف اديها وكالت

ملك : والله جنت طالعتلك الك اسراء بنت عمي بعقوب كالت حمزة ينتظرج بالحد...

حمزة : اششش عوفي كلشي وراى ظهرج كافي تذكرين وتزيدين هم كلبج.. ملك

ملك :همممم

حمزة : تنهدت اعششكگج حيل ياابه
سكت ماجاوبتني بس لمعت عيونها ردتلي الجواب الي تحاول تخفيه عني.. ابتسمت وكمت من مكاني وكتلها

ماراح اضغط عليج بحبي ولا راح ازعجج يمتى ماتشوفين نفسج مستعده تخلين ايدج بيدي بس أشري وانه رهن الاشارة

ردت اطلع لزمة يلدة الباب وكتلها وانه اباوع عله ايدي

خلي بالج مستعد انتظرج لاخر يوم بعمري.. تصبحين على خير

عفتها وطلعت لكيت جاسر مرتجي عله الحايط بصف الباب مكتف اديه ويستمعلنا طبطبت عله متنه ورحت لغرفتي دخلت وارتميت عله جربايتي البارده من دفو جسمها

خليت ايدي عله عيوني

ااااخخ يروحي بس كليلي شسوي وانسيج مو تعبت واريدج يمي عمري خلص وانتي بعيده عني

ملك : بس طلع رجيت راسي على تاج الجربايه ودموعي اصب احبه لا اعشقه بس خايفه منه
خايفه يجي يوم وهم يعيد عليه الجرح الي لسه ماطاب
كلبي ياذيني مااعرف شاريد سمعت صوت الباب نفتح دنكت راسي شفته جاسر