أبنتي وأخي

البارت الثامن والعشرون

يا قطـار انطيني ناسـي
وسافـر شمـابيك غربـه

💔💔💔💔💔

مهرة

اباوع لجاسر الي بده كل جسمه ينفض باوع على قائد بترجي وكال

جاسر : بعد اخوك روح ابدالي مابيه حيل امشي خطوة

قائد : بدون ما تكول هل رايح هاي امانة الغالي

مهرة : طلع قائد وولد عمه وحمزة هم بس جاسر توجهه بتعب للطارمه بقيت بمكاني لدالي لحكهم بس دقايق ودخل وجهه وديه مبتلات ماي عرفت جان يتوضى دخل لغرفة الحجيه واني كمت وراى لكيته ماد مصلايته وساجد

دخلت للغرفة وكعدت على جرباية ملك القديمه واني اباوعله اجتافة بدت تهتز ادموعي بدت تصب وياه خايف تطلع ملك شراح يصير بجاسر.. امها الي مالحكت تتهنى بصلح بتها شراح يصير بيها الله يساعد كلبها
كلبي تكطع على ملك الي ماشافت شي من شبابها..

بقى حوالي بالساعه على نفس السجده مارفع راسه اله لمن رن تلفونه

رفع راسه وجهه عبالك مغسول بماي من الدموع وعيونه صايره روج احمر وذبلانه مسح وجهه وطلع تلفونه الي رن للمرة الثانيه باوع على الشاشه وغمض عيونه فتح خط وخلا على اذانه وهو بعده مغمض

نرسمت ابتسامه واهنه على ثغرة وكع التلفون من ايده ورجع سجد ثواني مااحس اله واكع على مصلايته

طفرت من مكاني اصرخ والطم على وجهي كل وبالي ملك الي ماتت وجاسر لحكاها

على صوت صريخي دخلت امه تركض وراها عمو والحجي والحجيه الي خلص عمرها من الهبطات هن شافن جاسر وهن تكابلن وكعدن محاوطاته

الحجيه : يالمنك يهابون وشايل وين يالمنك يهابون

ويردونه عمامه اليوم يردونه

ام جاسر : وشلون اطيح واهلك مايعرضون
وشلون اطيح واهلك مايعرضون

الحجيه : وليش شلتوو يل تدوورون العزم
وبعد ماعيل لو شالت العياله

ام جاسر : وصمله ياشباب اعليك من نومة الطينيه

الحجيه : ااح احووو
حلوو والكاع من يمشي يحليها

واليه اعتاب ويه اهل الغريريه وإليه اعتاب

مهرة : واني كابلتهن واملخ بروحي ويه كولاتهن ماسكتنه اله لمن عاط بينهةالحجي

ابو إبراهيم : بسجن من هيج هيج من اهلججن انطنه وهله خلي نفتهم موتنه وهو عايش