انحنى من أجل الحب

البارت الواحد والخمسون

روايات الكوكب الأبيض:
السلام عليكم ورحمة الله وبركاته يا جواهر الكوكب الأبيض 🤍🌨️💎

كلام مهم ياريت تقرأوه وإلا مش هتفهموا حاجة من إللي جاي

الرواية دي فيها مشاكل وخلافات كتيرة ... حقيقي المشاكل إللي بين الابطال محتاجة سنين عشان تتحل ..  وعلى ما إنسان يقدر يسامح إنسان تاني عليها غالباً هيقعد فعلاً سنين وياما شوفنا خصومة بالسنين بسبب أسباب تافهه أصلا .. فما بالكم بالخصومة إللي بين فارس ومصطفى .. والخصومة إللي بين مصطفى وشمس .. والخصومة إللي بين شمس وفارس  ... تتخيلوا كدة الحجات دي تتحل ببساطة وبسهولة ؟! لكن أنا أكيد مش هخليها سنين وعلشان كدة بحط أحداث كتير أووي على أد ما أقدر عشان أبني بيها الحدث الأكبر إللي هو المصالحة بين كل الأطراف طبعا

دا غير ملك ومصطفى .. إللي هيبقى جوزها ... تخيلوا أصلا في واحدة فينا لما تعرف إن حد متقدملها بنفس طريقة مصطفى كدة هتوافق بيه ؟! استحالللة وإللي هتوافق  يا إما حقيقي هتبقى بايعة نفسها ومحسبتهاش كويس .. يا إما عاشرت الشخص دا وعاشت معاه كتير وفهمت طباعه الحقيقية الصحيحة وفهمت تفكيره وقلبه وفهمت أحواله وظروفه ساعتها القلب بيبدأ يحن ويلين ويشوف إن فيه أمل في الإصلاح من الشخص دا .. وهو دا إللي حصل مع ملك ..علاقتهم بتتبني بالطريقة دي ..بيتكلموا ويحصل بينهم مواقف ويفتحوا مواضيع وهي تكتشفه أكتر وأكتر وتبدأ تتقبله وخدوا بالكوا إن إللي عمله فارس من كام شهر حرم مصطفى خالص من أنه يقرب من أي ست وعمله فوبيا وبقى عنده حذر شديد تجاه الحجات دي وبتفكره بذكرى سيئة فهو حرم فعلاً .. ودا ساعد ملك وذودلها الأمل إنه يتغير وخصوصاً إنه تغييره دا يعتبر توبه ... توبه إلي الله .. والتوبة دي متاحة لكل عباد الله دون خلاف وربنا بيعين عباده على التوبة  ❤️

قولي الأخير ... أنا بحب على أد ما أقدر أحاكي الواقع ... معلش انتوا ممكن تكونوا شفتوا في روايات تانية البطل والبطلة علاقتهم سريعة كدة ويناموا في حال ويصحوا في حال مختلف لكن دا مش عندي يا جماعة لأني أولا ً أنا لا بحب اختصر من افكاري ودا لأني معجبة بأفكاري جداا وبحبها أوي وبشوف أنها منطقية وضرورية جدا ... ثانياً التسريع في الأحداث مينفعش خالص في رواية زي روايتي ، التسريع مرفوض عشان دا البناء الصحيح للعلاقات إللي موجودة عندي في الرواية ودي روايتي ودا إللي أنا شيفاه ومقتنعة بيه وبعمل بيه وهعمل بيه وهي دي رؤيتي ❤️

ممكن حد يحبها وممكن حد يكرهها وممكن حد ميقتنعش بيها بس هو أصلا مين قال إن مطلوب إن الناس كلها هتتفق على حاجة واحدة !!؟ ..

فأبقى مجنونة ومعنديش خبرة ولا عقل ولا منطقية لو استنيت إن الناس كلها تتفق على أسلوبي لأن دي الحقيقه المطلقة مفيش حاجه في الكون كله هتحصل وهترضى كل الناس .. عشان كدة بقولكم انتقدوني يا جماعة ونتناقش سوا ونرد على بعض ومحدش يتكسف أو يخاف يقول رأيه في أي حاجة أنا متقبلة تماماً فكرة الإنتقاد كليًا وإلكلام إللي بقوله دا مجرد توضيح لرؤيتي عن الرواية