انحنى من أجل الحب

الواحد والستون

السلام عليكم ورحمة الله وبركاته يا جواهر الكوكب الأبيض 💎🕯

يلا نبدأ البارت الجامد ومتنسوش الفوت والمتابعة اللطيفة وانضمو لكوكبنا الأبيض  💎

______________________________

_________________________________

وقفت أسفل العمارة تعنفه على فعلته بعينيها التي تشع كرهًا بسبب تصرفه الأهوج ليزفر متأففًا من ذلك الوضع

_متبصليش كدة أنا كنت بناغشها

كزت على أسنانها  مستنكرة _دا وقت مناغشة يا مصطفي 

هز رأسه بأسف _خلاص بقى يا ملك أنا معرفش انها هتعمل كدة

تخلت عن هدوئها وبدأ صوتها في الإرتفاع نتيجة لبرودته في الحديث _واحدة سايبة جوزها وحياتها كلها هباب متوقع منها تضحكلك يعني

نظر لها متأسفًا وقد ظهر التعاطف جليًا على وجهه لتتنهد بحزن رامية بجسدها على السيارة ومربعة يديها أمام صدرها

_ بجد صعبانة عليا أوي  وأخوك مش راحمها

استهزء قائلاً_ دلوقتي بقى اخويا أنا بس ماهو اخوكي انتي كمان

نظرت للفراغ شاردة ولهجة خائبة الأمل  رددت_ اتغير اوي بقى واحد تاني معرفوش حتى معادش بيتكلم معايا

ابتسم ذلك السمج مائلاً على السيارة بجسده الفارع سائلاً باستفزاز _وانا روحت فين ؟!

نظرت له من الأعلى للأسفل هازئة _ متقارنش نفسك بفارس

اعتدل متضايقًا _اولعي بيه ياختي هه ييجي ايه فارس دا فيا

نظرت له تحاول إغاظته أكثر _ بعيد الشر عني وعنه إن شاء الله اللي يكرهنا

تأفف بضجر وغضب لكنه تحاشي الأمر قائلاً_طب خلاص خلاص تعالي نروح المول نجيب طلبات للبيت للست اللي منهارة فوق دي

ذهبا للمول للتسوق ولم تمر الدقائق حتى وجدته يضحك بقوة على ذلك العارض البلاستيكي الذي كان عاريًا تمامًا بلا أي ملابس تغطيه لتضربه بعلبة التونة على صدره ناهية اياه عن انحرافه الدائم

_ بتضحك على إيه   ؟!!

ليقول ببساطة ولكنها نبرة غير نقية إطلاقًا _ اتخيلت حاجة بس

_ مش هسألك اتخيلت ايه

ضحك مرة أخرى بقوة بينما يعرف أنها ستموت ويخبرها بما تخيل ليستفزها بقوله

_ يبقى احسنلك

أرادت الهرب منه ومن حديثه الجريئ  لذا نظرت لمحلٍ ما يبيع المستلزمات النسائية

_ هدخل اجيب حجات من جوا واخرج استناني هنا

غمز ناظرًا لما يحتويه المحل من ثياب داخلية معروضة _ طب ماجي معاكي